Journal d'un lundi, édichion spéchiale

26/04/2010 20:57

Chalut mes gins ! J’espèr’te que t’as paché un bion ouiquend ? Cha n’étot pon ches activités qui minquotent, spectaques à tout va, solel, promenates et chertain’mint pour eune grinte partie, premier alleumache d’barbecue. Te t’rinds compte, ti, à’ch’t’heure qu’ches avions is vol’tent à nouvieau, te fais d’eul pouchière aveuc tous ches barbeucs. D’ichi à ch’qu’in t’disse qu’ches résidus d’merguez et d’côtes à l’oche alles sontent corrosifs pour ches réacteurs, i n’y a pon loin ! Infin, in n’in est pon lal. Donc, com’ i n’y avot chertain’mint pon grind monte pour raviser ches actus, in va faire com’ l’dernière fos, eune arvue d’presse. D’autint, qu’chi j’in cros tous ches mails que te m’as invoyés, cha t’a plu.

In bref : Grind nettoyache d’printimps

Ch’est bin connu, mes gins, quind ches bieaux jours is arriv’tent, in est plein d’bionnes volontés. In astique et in ménache in grind. Pour min Nicolas, ch’est parel, i vient d’arsortir sin Karcher pour faire ch’prope dins ches binlieues, chuite à d’nouvieaux évèn’mints. Alors, com’ toudis, i annonche cha aveuc un dichcours. J’ai bin l’impréchion que ch’ti qui écrit i d’vot ête in vacinches, pach’qu’in a intindu ches mêmes cosses qu’i a d’jà dites à maintes arprises. Te m’diras, in fait tertous du te copies, te coll’tes, cha va gramint pus vit’ ! Alors, je n’li jetterai pon ch’première pierre. D’autint qu’j’n’ai pon invie d’ête karchérisée à min tour. Nin merchi, j’ai eune douche et cha m’va très bin ! Pour résumer, pon un indrot d’eul France i ne s’ra désormais eune zone d’nin drot. Nin drot, cha n’veut pon dir’te maladrots et cha n’a rin à vir aveuc ceusses qui vis’tent mau ches polichiers. In n’va pon les apprinde à miux tirer, cha nin ! Min Nicolas i l’a dit : Pon un départ’mint, pon eune ville, pon un quartier, pon eune rue, pon eune porte cochère, pon même eune cache d’escalier ne s’ra laiché à l’proie d’ches fouteux d’brin. Tiens, i a oublié d’parler d’ches trous d’souris ! Ch’est com’ cha, i faut t’attinde à’ch’t’heure à croiser d’eul maréchaussée même dins ch’fin fond d’euch Larzac. Etant donné l’populachion in majorité bovine, cha s’ra bin l’seu indrot d’ù qu’in n’intindra pon mort à ches vaques !

In bref 2 : Accidint d’taureau

Cha n’a rin à vir aveuc ches vaques dont in vient d’parler. Ichi, ch’est plutôt ch’qu’in pourrot app’ler ch’syndrome Chantal Goya, mais te rimplaches ch’lapin qui tue un chasseur par un taureau. L’un d’ches princhipaux toreros echpagnols, José Tomas, i ch’est fait incorner dins l’cuiche par eune biête d’chinq chints kilos. Hé ouais, i a échappé d’peu à l’inlunache, chinon in l’aurot intindu ch’écrier oh, my gode ! Chi, chi, même un echpagnol i sait parler inglais dins des cas extrêmes. I aurot même pu ch’artreuver à vie in tutu à faire casse-noziettes. Même chi ch’est dramatique pach’qu’i richque d’y pacher, j’ai invie d’dir’te bravo à ch’taureau ! Com’ cha, au moins ch’ti-lal i saura ch’que cha fait d’euch faire piquer à vif. In peut souhaiter qu’sin séjour à l’hôpital i li permette d’y réfléchir. Pourtint, Georges Bizet i avot prév’nu : « Toréador in garde, toréador, toréador ! Et songe bin, ouais, songe in combattint qu’un oeul noir’te t’ravisse et que ch’t’amour t’attind, toréador ! Ch’t’amour, ch’t’amour t’attind ! » Mes gins, i n’y a pus qu’à echpérer pour li que ch’femme alle n’va pon profiter d’sin abchince pour li faire porter des cornes, car incorné deux fos in chi peu d’timps, cha fait gramint pour un seu homme !

Cor’ in bref : Eyjafjallajökull, ches chéquelles

Ah, ouais, cor’ li ! Cha n’est pon pour t’dir’te que Roselyne alle a commindé soichinte-diche millions d’cindriers et qu’in n’va pon savoir qu’in faire. A moins d’ré-autoriser à fumer dins ches cafés, puich’qu’is n’in ontent pus, et d’faire eune grinte dichtribuchion nachionale. Te dos bin t’douter qu’ch’est eune rumeur. Mais in constate gramint d’maux d’tiête d’pis qu’in a vu ch’nom écrit. Cha parôt imprononchape pour nou’z’autes. Alors, avint qu’alle comminde des tonnes d’paracétamol et qu’eul Sécu alle rinte in érupchion à sin tour, v’là un décodache : Hé-ya-fiat-la-yo-coute. Te vos, ch’est nin compliqué quind te prinds ch’méthote à mimile. Te sais vit’ que ch’t’islandais, ch’est com’ ch’français, i y a autint d’escepchions que d’règues. Un cop ches deux L is ch’dis’tent TL et après seul’mint T ! Pis, in savot d’jà que Eyjafjallajökull, même ch’i finit par deux L, qu’i étot incompatipe aveuc ches deux ailes… d’ches avions ! In attindint, j’vais quind même dir’te à Roselyne qu’cha n’est pon l’peine nin pus d’comminder des ramache-pouchières et des pielles à carbon. In est d’jà équipés ch’i faut invoyer toute ch’te pouchière à Tchernobyl pour consolider ch’sarkophache. Vingt dius ! A forche d’parler d’min Nicolas, j’in mets partout. J’arprinds, pour consolider ch’sarcophache ! Quo ? Cha pourrot ête eune idée com’ eune aute d’faire un imminche terril par-d’chus tout ch’bazar qui fui’te d’partout. In vient d’échapper à un nuache, cha n’eul f’rot pon d’ête immerder par un aute…

Toudis in bref : Molière à la Feydeau

Bah, nin ! Cha n’est pon eune nouvielle pièche d’ù qu’in pourrot vir ch’femme d’euch bourgeois gintilhomme ch’écrier : Chiel, min mari ! Ch’est vrai qu’pindint qu’i prind tous ches cours pour dev’nir noble, madame Jourdain alle dot ch’innuyer dur’te et alle pourrot prinde un amint. Ichi, ch’est bin intindu d’eul chérémonie d’ches Molières dont j’veux t’parler. Chi d’habitute te peux raviser cha pour ête sûr’te d’dormir d’vint t’télé. Bah, cha n’a rin à invier à Derrick, d’autint qu’cha dur’te gramint pus long. Diminche, in a eu l’drot à du comique, jué involontair’mint par Drucker et Drucker, qui sontent à France Télévision ch’que Dupont et Dupond is sontent à Tintin et mi, j’n’in diros pon pus. Bref, Marie et Michel is doiv’tent armette ch’Molière d’eul révélachion féminine et lal, dins l’brin ! Marie alle oufre l’inveloppe et alle quée chu l’révélachion masculine. Ah, ouais, ch’est pon parel ! In pus, pour ches Molières, j’diros même qu’cha ch’jue à tros pièches d’différinche. Qu’à ch’la n’tienne, alle n’dit rin du nom qu’alle vient d’découvrir, mais alle ch’rind compte qu’alle n’a pon pus d’inveloppe. Alors, com’ ch’est du direct, min Michel i ch’linche dins eune tirate. Ch’est ch’grinte schène : « D’ù qu’i est ch’t’huissier ? Monsieur l’huissier qui est apparemmint dins un état d’ébriété avinchée. Etc.. » Bref, i in fait un sketch aveuc Marie qui li donn’te l’réplique et cha fait rir’te toute l’salle. Mes gins, in est sauvés ! In vient d’artreuver un nouvieau duo pour rimplacher Shirley et Dino, Vive France Télévision !

Ch’dossier d’euch jour : Capote et dérapache

In pourrot croir’te qu’cha sort d’un film d’ches Monty Phyton ou qu’i s’agit d’euch dernier Mel Brooks, mais i n’in est rin. Tertous i l’sait à’ch’t’heure, eune femme qui roulot in niqab, eune sorte d’burqa allégée, alle ch’est fait arrêter par l’maréchaussée et, churtout, verbalisée pour conduir’te aveuc visibilité réduite. Avint d’vir ch’dérapache qui in suit, in va d’abord raviser cha d’pus près. I faut comprinde qu’sin mari i veut bin li prêter ch’carette, mais i n’veut pon qu’ches autes automobilistes is puich’tent la vir. Te vos, cha partot d’un bion sintimint, i voulot faire d’eul prévinchion routière. Ch’femme alle est tell’mint canon qu’i a peur qu’cha crée des accidints pach’que, pindint qu’ches gins is l’observ’tent, is n’ravisent pon l’route ! A’ch’t’heure, te peux toudis faire com’ chertaines carettes de stars, ches vitres alles sontent tell’mint fonchées qu’te n’vos rin à travers. Ouais, t’as raison, i y a ch’pare-b… qui dot rechter trinsparint. Chut ! Je n’mets pon ch’miot in intier, chinon in va vir débouler Olivier ou sin collègue. Ch’est un gros inconvénient, te dos imbaucher un chauffeur.

Cha y est ! J’ai treuvé eune soluchion qui va arringer tertous ! Pour toutes ches femmes qui veul’tent conduire chins ête vues tout in préservant leu misse in plis, j’ai ch’qu’i faut. Un char et ch’est fin bénache ! Ch’est parel qu’une burqa ou un Niqab, t’as juss’ eune meurtrière à l’horizontale pour ches zis ! Et bizarr’mint, j’sus sûr’te qu’in n’te dira pon que t’visibilité alle est réduite. Ah, ches promenates bucoliques que te vas faire dins ch’bielle cimpagne ! Ches queveux à ch’vint qui ch’ingouffre par ch’t’interstiche. Prévos quind même des leunettes pour ches insectes suichidaires et n’oublie pon d’fermer t’bouque ! Même chi ch’est d’eul viante chins oches, in n’sait pon chi t’es dins l’bionne direc’chion, cheule d’eul Mecque. I n’minqu’rot pus qu’cha qu’tin mari i t’arproches de n’pon minger halal…

In a vu ch’problème d’capote, in va raviser ch’dérapache qui ch’in suit. Ouais, ch’est cha, in décapote. Sin mari i n’a rin treuvé d’miux que d’contester sin PV. Ch’est con pour li, i aurot dû attinde quéques jour d’pus. Quo ? Bah, chi, qu’min Nicolas i li prodigue ches bions conseils, car i li aurot dit fais pon l’malin et cha che s’rot clôturé par juss’ l’perte d’quéques euros. Seul’mint, ch’ti-chi i a fait l’malin et à’ch’t’heure i ch’artreuve aveuc eune affaire d’polygamie chu les bras et ch’est interdit in France. Ah, ouais, ch’est vrai qu’in n’a pon l’habitute d’euch miot. Alors Polygamie com’ : I jue aveuc plusieurs femmes à l’fos. Bah, nin, cha n’va pon, pach’que ch’est courant et cha n’est pon interdit ! Vingt dius ! I n’y a d’jà pon assez d’plaches dins ches prisons, alors je n’te dis pon… J’querche l’bureau d’min DSK ? Cellule 118, au fond à drote. Merde, à gauche, j’sus babache ! Et ch’ti d’min Nicolas ? Ah, li, i est juss’ in garde à vue, cha n’est cor’ qu’eune rumeur, ches faits is n’sontent pon confirmés !

In va dir’te qu’i a plusieurs femmes, pon eune vraie et des maîtrèches, mais plusieurs vraies. Ah, cha ! J’in vos qui ch’disent qu’eune ch’est d’jà pon fachile à gérer, alors plusieurs… Bah, ch’réchiproque alle est vraie auchi, alors in ferme ch’guiffe et in continue ! Toudis i est qu’chi ches faits is sontent avérés, in va li arprocher d’avoir bénéfichier, in pus, d’aides sochiales d’fachon frauduleuse. Te comprinds bin qu’i avot treuvé ch’truc ! Tous ches hommes is sav’tent bin qu’eune maîtrèche cha coûte quer à intretenir. Alors qu’ichi, ch’est tout bénéf pour li. Ch’beurre, l’argint d’euch beurre et ouais, même plusieurs, te connos l’suite com’ mi ! In pus d’cha, com’ i est naturalisé français d’pis seul’mint 1999, chi in prouve qu’i étot marié avint, in pourra l’déchoir d’euch nachionalité ! Cha s’ra ch’premier clandestin connu d’eul France intière, donc pon vraimint clandestin. Te vos un peu ch’dallache qu’cha fait ! Brice Hortefeux i est caud com’ l’braise et dins ches starting-blocks. Te parles, un client d’pus, cha li va toudis. Eric Besson, à’ch’t’heure que ch’nuache i n’est pus lal, i a d’jà réservé un charter, in n’sait jamais !

V’là, mes gins, i y a cor’ des trucs qu’in aurot pu raviser insimpe, mais te peux toudis ralleumer ta télé pour t’mette ch’moral à zéro. In attindint, n’fais pon l’malin ! I n’minqu’rot pus qu’cha que j’perde des lecteurs !

Journal d’un lundi, édition spéciale

Salut mes gens ! J’espère que tu as passé un bon week-end ? Ce ne sont pas les activités qui manquaient, spectacles à tout va, soleil, promenades et certainement pour une grande partie, premier allumage de barbecue. Tu te rends compte, toi, à présent que les avions volent à nouveau, tu fais de la poussière avec tous ces barbeucs. D’ici à ce que l’on te dise que les résidus de merguez et de côtes à l’os sont corrosifs pour les réacteurs, il n’y a pas loin ! Enfin, on n’en est pas là. Donc, comme il n’y avait certainement pas grand monde pour regarder les actus, on va faire comme la dernière fois, une revue de presse. D’autant, que si j’en crois tous les mails que tu m’as envoyés, ça t’a plu.

En bref : Grand nettoyage de printemps

C’est bien connu, mes gens, quand les beaux jours arrivent, on est plein de bonnes volontés. On astique et on ménage en grand. Pour mon Nicolas, c’est pareil, il vient de ressortir son Karcher pour faire le propre dans les banlieues, suite à de nouveaux évènements. Alors, comme toujours, il annonce cela avec un discours. J’ai bien l’impression que celui qui écrit devait être en vacances, parce que l’on a entendu les mêmes choses qu’il a déjà dites à maintes reprises. Tu me diras, on fait tous du copier-coller, cela va beaucoup plus vite ! Alors, je ne lui jetterai pas la première pierre. D’autant que je n’ai pas envie d’être karchérisée à mon tour. Non merci, j’ai une douche et cela me va très bien ! Pour résumer, pas un endroit de la France ne sera désormais une zone de non droit. Non droit, cela ne veut pas dire maladroits et cela n’a rien à voir avec ceux qui visent mal les policiers. On ne va pas les apprendre à mieux tirer, ça non ! Mon Nicolas l’a dit : Pas un département, pas une ville, pas un quartier, pas une rue, pas une porte cochère, pas même une cage d’escalier ne sera laissé à la proie des fouteurs de brin. Tiens, il a oublié de parler des trous de souris ! C’est comme cela, il faut t’attendre à présent à croiser de la maréchaussée même dans le fin fond du Larzac. Etant donné la population en majorité bovine, cela sera bien le seul endroit où l’on n’entendra pas mort aux vaches !

En bref 2 : Accident de taureau

Cela n’a rien à voir avec les vaches dont on vient de parler. Ici, c’est plutôt ce que l’on pourrait appeler le syndrome Chantal Goya, mais tu remplaces le lapin qui tue un chasseur par un taureau. L’un des principaux toreros espagnols, José Tomas, s’est fait encorner dans la cuisse par une bête de cinq cents kilos. Hé oui, il a échappé de peu à l’enlunage, sinon on l’aurait entendu s’écrier oh, my gode ! Si, si, même un espagnol sait parler anglais dans des cas extrêmes. Il aurait même pu se retrouver à vie en tutu à faire casse-noisettes. Même si c’est dramatique parce qu’il risque d’y passer, j’ai envie de dire bravo au taureau ! Comme cela, au moins celui-là saura ce que cela fait de se faire piquer à vif. On peut souhaiter que son séjour à l’hôpital lui permette d’y réfléchir. Pourtant, Georges Bizet avait prévenu : « Toréador en garde, toréador, toréador ! Et songe bien, oui, songe en combattant qu’un oeil noir te regarde et que l’amour t’attend, toréador ! L’amour, l’amour t’attend ! » Mes gens, il n’y a plus qu’à espérer pour lui que sa femme ne va pas profiter de son absence pour lui faire porter des cornes, car encorné deux fois en si peu de temps, cela fait beaucoup pour un seul homme !

Encore en bref : Eyjafjallajökull, les séquelles

Ah, oui, encore lui ! Ce n’est pas pour te dire que Roselyne a commandé soixante-dix millions de cendriers et que l’on ne va pas savoir qu’en faire. A moins de ré-autoriser à fumer dans les cafés, puisqu’ils n’en ont plus, et de faire une grande distribution nationale. Tu dois bien te douter que c’est une rumeur. Mais on constate beaucoup de maux de tête depuis que l’on a vu ce nom écrit. Ca paraît imprononçable pour nous. Alors, avant qu’elle commande des tonnes de paracétamol et que la Sécu rentre en éruption à son tour, voilà un décodage : Hé-ya-fiat-la-yo-coute. Tu vois, ce n’est pas compliqué quand tu prends la méthode à mimile. Tu sais vite que l’islandais, c’est comme le français, il y a autant d’exceptions que de règles. Un coup les deux L se disent TL et après seulement T ! Puis, on savait déjà que Eyjafjallajökull, même s’il finit par deux L, qu’il était incompatible avec les deux ailes… des avions ! En attendant, je vais quand même dire à Roselyne que ce n’est pas la peine non plus de commander des ramasse-poussières et des pelles à charbon. On est déjà équipés s’il faut envoyer toute cette poussière à Tchernobyl pour consolider le sarkophage. Bon sang ! A force de parler de mon Nicolas, j’en mets partout. Je reprends, pour consolider le sarcophage ! Quoi ? Cela pourrait être une idée comme une autre de faire un immense terril par-dessus tout ce bazar qui fuit de partout. On vient d’échapper à un nuage, ça ne le ferait pas d’être emmerder par un autre…

Toujours en bref : Molière à la Feydeau

Bah, non ! Ce n’est pas une nouvelle pièce où l’on pourrait voir la femme du bourgeois gentilhomme s’écrier : Ciel, mon mari ! C’est vrai que pendant qu’il prend tous ces cours pour devenir noble, madame Jourdain doit s’ennuyer dur et elle pourrait prendre un amant. Ici, c’est bien entendu de la cérémonie des Molières dont je veux te parler. Si d’habitude tu peux regarder cela pour être sûr de dormir devant ta télé. Bah, cela n’a rien à envier à Derrick, d’autant que cela dure bien plus longtemps. Dimanche, on a eu le droit à du comique, joué involontairement par Drucker et Drucker, qui sont à France Télévision ce que Dupont et Dupond sont à Tintin et moi, je n’en dirais pas plus. Bref, Marie et Michel doivent remettre le Molière de la révélation féminine et là, dans le brin ! Marie ouvre l’enveloppe et tombe sur la révélation masculine. Ah, oui, ce n’est pas pareil ! En plus, pour les Molières, je dirais même que cela se joue à trois pièces de différence. Qu’à cela ne tienne, elle ne dit rien du nom qu’elle vient de découvrir, mais elle se rend compte qu’elle n’a pas plus d’enveloppe. Alors, comme c’est du direct, mon Michel se lance dans une tirade. C’est sa grande scène : « Où est l’huissier ? Monsieur l’huissier qui est apparemment dans un état d’ébriété avancée. Etc.. » Bref, il en fait un sketch avec Marie qui lui donne la réplique et ça fait rire toute la salle. Mes gens, on est sauvés ! On vient de retrouver un nouveau duo pour remplacer Shirley et Dino, Vive France Télévision !

Le dossier du jour : Capote et dérapage

On pourrait croire que cela sort d’un film des Monty Phyton ou qu’il s’agit du dernier Mel Brooks, mais il n’en est rien. Tout le monde le sait à présent, une femme qui roulait en niqab, une sorte de burqa allégée, s’est fait arrêter par la maréchaussée et, surtout, verbalisée pour conduire avec visibilité réduite. Avant de voir le dérapage qui en suit, on va d’abord regarder cela de plus près. Il faut comprendre que son mari veut bien lui prêter son auto, mais il ne veut pas que les autres automobilistes puissent la voir. Tu vois, cela partait d’un bon sentiment, il voulait faire de la prévention routière. Sa femme est tellement canon qu’il a peur que cela crée des accidents parce que, pendant que les gens l’observent, ils ne regardent pas la route ! Maintenant, tu peux toujours faire comme certaines voitures de stars, les vitres sont tellement foncées que tu ne vois rien à travers. Oui, tu as raison, il y a le pare-b… qui doit rester transparent. Chut ! Je ne mets pas le mot en entier, sinon on va voir débouler Olivier ou son collègue. C’est un gros inconvénient, tu dois embaucher un chauffeur.

Ca y est ! J’ai trouvé une solution qui va arranger tout le monde ! Pour toutes les femmes qui veulent conduire sans être vues tout en préservant leur mise en plis, j’ai ce qu’il faut. Un char et c’est fin bon ! C’est pareil à une burqa ou un Niqab, tu as juste une meurtrière à l’horizontale pour les yeux ! Et bizarrement, je suis sûre que l’on ne te dira pas que ta visibilité est réduite. Ah, ces promenades bucoliques que tu vas faire dans la belle campagne ! Les cheveux au vent qui s’engouffre par l’interstice. Prévois quand même des lunettes pour les insectes suicidaires et n’oublie pas de fermer la bouche ! Même si c’est de la viande sans os, on ne sait pas si tu es dans la bonne direction, celle de la Mecque. Il ne manquerait plus que cela que ton mari te reproche de ne pas manger halal…

On a vu le problème de capote, on va regarder le dérapage qui s’en suit. Oui, c’est cela, on décapote. Son mari n’a rien trouvé de mieux que de contester le PV. C’est con pour lui, il aurait dû attendre quelques jour de plus. Quoi ? Bah, si, que mon Nicolas lui prodigue ses bons conseils, car il lui aurait dit fais pas le malin et cela se serait clôturé par juste la perte de quelques euros. Seulement, celui-ci a fait le malin et maintenant se retrouve avec une affaire de polygamie sur les bras et c’est interdit en France. Ah, oui, c’est vrai que l’on n’a pas l’habitude du mot. Alors Polygamie comme : Il joue avec plusieurs femmes à la fois. Bah, non, ça ne va pas, parce que c’est courant et ce n’est pas interdit ! Bon sang ! Il n’y a déjà pas assez de places dans les prisons, alors je ne te dis pas… Je cherche le bureau de mon DSK ? Cellule 118, au fond à droite. Merde, à gauche, je suis bête ! Et celui de mon Nicolas ? Ah, lui, il est juste en garde à vue, ce n’est encore qu’une rumeur, les faits ne sont pas confirmés !

On va dire qu’il a plusieurs femmes, pas une vraie et des maîtresses, mais plusieurs vraies. Ah, ça ! J’en vois qui se disent qu’une ce n’est déjà pas facile à gérer, alors plusieurs… Bah, la réciproque est vraie aussi, alors on ferme sa gueule et on continue ! Toujours est-il que si les faits sont avérés, on va lui reprocher d’avoir bénéficier, en plus, d’aides sociales de façon frauduleuse. Tu comprends bien qu’il avait trouvé le truc ! Tous les hommes savent bien qu’une maîtresse ça coûte cher à entretenir. Alors qu’ici, c’est tout bénéf pour lui. Le beurre, l’argent du beurre et oui, même plusieurs, tu connais la suite comme moi ! En plus de cela, comme il est naturalisé français depuis seulement 1999, si l’on prouve qu’il était marié avant, on pourra le déchoir de sa nationalité ! Ce sera le premier clandestin connu de la France entière, donc pas vraiment clandestin. Tu vois un peu le mic-mac que ça fait ! Brice Hortefeux est chaud comme la braise et dans les starting-blocks. Tu parles, un client de plus, ça lui va toujours. Eric Besson, à présent que le nuage n’est plus là, a déjà réservé un charter, on ne sait jamais !

Voilà, mes gens, il y a encore des trucs que l’on aurait pu voir ensemble, mais tu peux toujours rallumer la télé pour te mettre le moral à zéro. En attendant, ne fais pas le malin ! Il ne manquerait plus que cela que je perde des lecteurs !