Eune idée maligne

23/04/2010 23:34

Chalut mes gins ! Ah ! J’vos cor’ pus d’guiffes connues, ch’est bin. In a eune tiote pinsée pour ceusses qui sontent toudis bloqués à l’aute biout d’euch monte. Cha d’vrot rintrer dins l’ordre à’ch’t’heure qu’in a débloqué un million d’euros pour les aider. Tout compte fait, cha s’ra vraimint un chouv’nir par l’chuite. Eune s’maine d’vachinches in pus aux frais d’eul princesse. Infin, ch’est pour rir’te, pach’que cha n’est pon vraimint drôl’te. In peut dir’te qu’i aura foutu sin brin Eyjafjallajökull. Vingt dius ! Quind t’écris cha, t’as intérêt à bin raviser ches touches d’tin clavier. J’espèr’te que tertous i s’ra rintré à timps car in ch’apprête à avoir un ouiquend estival. A m’mote, cha va fleurer bion ches odeurs d’barbeuc. Alors, t’inquiète pon ! Chi te vos d’eul fumée ch’élever aud’chus d’euch gardin d’tin voisin, ch’est pon un volcan qui copie sin cousin islandais…

Ch’est auchi un ouiquend d’ù qu’i y a ches premiers festivals et ch’course d’euch cœur un peu partout. Chi te n’sais pon quo faire, j’peux t’dir’te qu’i y a ch’festival Chicon Gratt1 à Lomme, aveuc plein d’artistes, in ch’y verra p’t-ête. A’ch’t’heure, te préfères simplemint t’balader dins ch’te bielle région. Te fais gaffe à ti quind même, prinds eune tiote laine, in n’sait jamais. In s’ra toudis in avril, alors te sais quo qu’in dit : In avril, n’te découvre pon d’eune burqa. Pis, i faut toudis attinde les saints d’glache, même chi, pour mi, is sontent d’jà lal quind j’vos ch’solel ! Quo ? Chi, is sontent lal ! Saint tros boules, saint à l’italienne, saint Haagen Dazs. Infin, j’ n’vais pon tous les chiter. In parlant d’balates, pach’qu’in n’va pon faire ches prévisions météo pour huit jours, te t’doutes bin, j’auros querre à arv’nir chu min Nicolas qui est allé faire eune tiote escapate in Savoie. T’inquiète, ch’est pon li qui conduisot ! Pourquo j’dis cha ? Bah, ch’est pach’qu’i n’a pon eu b’soin d’un Tom Tom d’Savoie ! Bion, d’accord. Ch’est vrai, in fait miux, mais je n’sus pon autint experte qu’min Nicolas in bions miots…

Hé ouais, ch’est com’ cha aveuc li ! Quind i va visiter un indrot, ch’qu’in artient cha n’est pon ch’qu’i est allé y faire, mais churtout qu’i a dit. D’autint qu’i a toudis l’sins d’eul formule : « Fais pon l’malin ti, fais pon l’malin ! » A croir’te qu’i a été publichiste dins ch’vie. Tout compte fait, j’eum rinds compte, in écrivant cha, qu’i l’est d’une chertaine fachon, puich’qu’i fait d’eul politique. Quo ? Ch’est à peu près parel. I t’vinte ches mérites avint, mais quind te l’as adopté, ch’est eune aute paire d’manques ! Toudis i est qu’min Nicolas i allot in Savoie pour ches chint chinquinte ins d’euch rattach’mint à l’France et qu’cha n’est pon cha qu’in va artenir pour l’histoire, mais juss’ eune phrasse. Rappel historique d’euch traité d’Turin d’1860 : Ch’21 juillet 1858, ch’présidint d’euch conseil d’euch royaume d’Sardaigne i rinconte in secret l’impereur des français Napoléon III, alors in cure à Plombières-les Bains, dins les Vosges. Cha nin ! Ch’est pon pach’que cha ch’appell’te Plombières qu’ch’est eune cure pach’qu’i a d’euch plomb dins l’aile ! Bref. Lors de ch’t’intrevue secrète, James Bond, pardon Napoléon tros accepte d’l’aider à réunifier l’Italie à condichion qu’eul pape i ress’ maîte d’Rome et qu’eul comté d’Nice aichi qu’eul duché d’Savoie s’rotent cédés à l’France.

Hé ouais, ch’est com’ cha ! Avint l’France ch’étot Paris et rin d’aute. Bah, nin, cor’ pir’te qu’à’ch’t’heure ! Petit à petit, in a greffé d’autes pat’lins qu’in a piqués ou échingés. Ch’est d’ailleurs pour cha qu’eul France alle arsimpe à un puzzle aveuc toutes ches pièches alles sontent biscornues. Chinon, te pinses bin qu’in aurot déchiné des départ’mints au carré, voire rectingulaires, cha aurot été pus pratique. Te peux armarquer que l’histoire alle est bin faite, puich’que chint chinquinte ins après, ch’est ch’déchindint direct d’Napoléon tros, in pachant par la Hongrie, Nainpoléon 1^er qui fait ches commémorachions. In attindint, j’vais quind même profiter pour l’armerchier, ch’tros, pour avoir eu l’bionne idée d’laicher ch’pape à Rome. Ch’est vrai, i aurot pu l’armette à Avignon et, à’ch’t’heure, in aurot eu et ch’pape et min Nicolas pour dir’te des bêtisses in France. In n’a d’jà pon eune bionne réputachion…

A’ch’t’heure qu’in sait d’quo i in artourne aveuc ch’visite, in va l’faire sortir d’euch carette, min Nicolas, car i attindot bin sagemint que j’finisse min cours d’histoire pour juer sin rôle. Donc, i sort d’euch carette et i est accueilli par eune foule in délire. Infin, in délire, cha n’est pon com’ chi ch’étot Johnny qui arrivot, pach’qu’ichi, i n’y a pon qu’des applaudich’mints. Cha nin ! I est applaudi par chertains et hué par d’autes. Toutefos, in n’a pon intindu un fan crier un aute, un aute ! Bah, ouais, mindat, quo qu’te veux qu’cha sot ! Cha n’a pon été dit, mais i dot y avoir auchi eune partie qui n’dit rin, chertain’mint à ches alentours d’chinquinte pour chint. In fait, tous ceusses qui n’sontent pon sortis d’chez eusses. Inchuite, cha n’est pon compliqué, min Nicolas i pache in arvue ches gins in serrant ches mains tindues. Bah, ouais ! Chi te t’imagines qu’i y mettot des billets d’binques, dins ches mains tendues, te t’gouros graf’ ! Ch’est ch’qu’in appel ch’bain d’foule, même chi, ichi, pour éviter l’noyate, in a mis des barrières in guise d’bouées.

« Chalut ti’z’aute ! » « Cha va ti’z’aute ? » Infin te t’imagines quo qu’in peut dir’te quind te sers l’main d’eune perchonne qu’te n’connos pon. Churtout qu’tin cerveau i est plutôt in train d’pinser : « Millard, j’n’ai pon cor’ aperchu ch’buffet et ches tiots fours ! » Arrif’ ch’tour d’un jeune homme qui li sert l’main et juss’ après, i l’essuie chu l’pull d’sin voisin. Min Nicolas i n’a pon pu ch’impêquer d’li sortir : « Fais pon l’malin ti, fais pon l’malin ! » Ch’est vrai qu’cha parôt hors d’propos. In che s’rot attindu plutôt à : « Ch’est nin d’eum faute chi m’main alle est grasse, ch’est cheule avint qui v’not d’minger des frites ! » Ou « T’inquiète, min gars, j’ai eune lochion hydro-alcoholic dins ch’trousse d’churvie qu’Roselyne alle m’a offerte ! » Et cor’ : « T’auros pu l’essuyer avint d’eum la tinde. Ch’est nin graf’, j’trinsmets à tin voisin ! » Cor’ eune tiote dernière ? Ch’est bin pach’que ch’est ti. « Dis tout d’chuite qu’min kleenex ch’est eune pachoire ! » Te vos, in pouvot ch’attinde à tout, mais pon à « Fais pon l’malin ti, fais pon l’malin ! » Ah, bah, nin ! Cha m’étonn’rot quind même qu’i li aurot dit : « Donne-me ta main et prinds la mienne. J’vais t’les présinter, ch’est des amis. Eune cellule t’attinds quoqu’i advienne. Alle n’est pon sonnée, l’heure de ta sortie… »

A’ch’t’heure, in peut ête sûr’te qu’i va y avoir quéqu’un d’malin pour sortir des t-shirts aveuc che slogan d’chus. Com’ cha a été fait aveuc eune phrasse que tertous i a in tiête et qui avot fait un méga tube : « Casse-te pauf’ con ! » Mais i y aurot auchi un truc à faire, pach’que j’sus sûr’te, vu ches déplach’mints, qu’i a dû égrainer des tiotes phrasses dins l’même ginre un peu partout. Ches micros is n’sontent pon toudis plachés à ch’bion indrot et in a dû in louper. Alors, premièr’mint, in fait un appel nachional pour avoir un maximum d’témoignaches et récolter tous ches bions miots et ches indrots historiques. Inchuite, in fait com’ chu Hollywood boulevard. In met des plaques commémoratives gravées à ch’sol. D’vint ch’salon d’l’agriculture eune plaque : « Ichi min Nicolas i a dit casse-te pauf’ con, in 2008 » A’ch’t’heure, d’vint ch’mairie d’Chambéry, eune aute : « Ichi min Nicolas i a dit fais pon l’malin ti, fais pon l’malin in 2010. » Etc..

Te m’excuseras, mes gins, chi t’as eune meilleu idée, te peux toudis la faire connaîte par ches coms ou par mail chi t’es timite. Mi, j’ai treuvé qu’cha s’rot un bon compromis pour quéqu’un qui veut laicher eune impreinte dins l’histoire. Chins compter qu’cha va faire plaiji à chertains d’pouvoir li marcher d’chus. A’ch’t’heure, ch’est sûr’te, j’te donn’te cha brute d’décoffrache. In s’ra chertain’mint obligé d’préchiser chu chaque plaque ch’fonc’chion, pach’que dins quéques déchennies in va in treuver qui n’saurontent pus qui i étot. Te sais eune parinthèsse qui pourrot dir’te : Présidint d’tous ches Français in 2007 et d’un peu qui restent en 2010…

Une idée maligne

Salut mes gens ! Ah ! Je vois encore plus de visages connus, c’est bien. On a une petite pensée pour ceux qui sont toujours bloqués à l’autre bout du monde. Cela devrait rentrer dans l’ordre maintenant que l’on a débloqué un million d’euros pour les aider. Tout compte fait, ce sera vraiment un souvenir par la suite. Une semaine de vacances en plus aux frais de la princesse. Enfin, c’est pour rire, parce que ce n’est pas vraiment drôle. On peut dire qu’il aura foutu son brin Eyjafjallajökull. Bon sang ! Quand tu écris cela, tu as intérêt à bien regarder les touches de ton clavier. J’espère que tout le monde sera rentré à temps car on s’apprête à avoir un week-end estival. A mon avis, cela va fleurer bon les odeurs de barbeuc. Alors, t’inquiète pas ! Si tu vois de la fumée s’élever au-dessus du jardin de ton voisin, ce n’est pas un volcan qui copie son cousin islandais…

C’est aussi un week-end où il y a les premiers festivals et la course du cœur un peu partout. Si tu ne sais pas quoi faire, je peux te dire qu’il y a le festival Chicon Gratt1 à Lomme, avec plein d’artistes, on s’y verra peut-être. A présent, tu préfères simplement te balader dans cette belle région. Tu fais gaffe à toi quand même, prends une petite laine, on ne sait jamais. On sera toujours en avril, alors tu sais ce que l’on dit : En avril, ne te découvre pas d’une burqa. Puis, il faut toujours attendre les saints de glace, même si, pour moi, ils sont déjà là quand je vois ce soleil ! Quoi ? Si, ils sont là ! Saint trois boules, saint à l’italienne, saint Haagen Dazs. Enfin, je ne vais pas tous les citer. En parlant de balades, parce que l’on ne va pas faire les prévisions météo pour huit jours, tu te doutes bien, j’aimerais revenir sur mon Nicolas qui est allé faire une petite escapade en Savoie. T’inquiète, ce n’est pas lui qui conduisait ! Pourquoi je dis cela ? Bah, c’est parce qu’il n’a pas eu besoin d’un Tom Tom de Savoie ! Bon, d’accord. C’est vrai, on fait mieux, mais je ne suis pas autant experte que mon Nicolas en bons mots…

Hé oui, c’est comme cela avec lui ! Quand il va visiter un endroit, ce que l’on retient ce n’est pas ce qu’il est allé y faire, mais surtout ce qu’il a dit. D’autant qu’il a toujours le sens de la formule : « Fais pas le malin toi, fais pas le malin ! » A croire qu’il a été publiciste dans sa vie. Tout compte fait, je me rends compte, en écrivant cela, qu’il l’est d’une certaine façon, puisqu’il fait de la politique. Quoi ? C’est à peu près pareil. Il te vante les mérites avant, mais quand tu l’as adopté, c’est une autre paire de manches ! Toujours est-il que mon Nicolas allait en Savoie pour les cent cinquante ans du rattachement à la France et que ce n’est pas cela que l’on va retenir pour l’histoire, mais juste une phrase. Rappel historique du traité de Turin de 1860 : le 21 juillet 1858, le président du conseil du royaume de Sardaigne rencontre en secret l’empereur des français Napoléon III, alors en cure à Plombières-les Bains, dans les Vosges. Ca non ! Ce n’est pas parce que cela s’appelle Plombières que c’est une cure parce qu’il a du plomb dans l’aile ! Bref. Lors de l’entrevue secrète, James Bond, pardon Napoléon trois accepte de l’aider à réunifier l’Italie à condition que le pape reste maître de Rome et que le comté de Nice ainsi que le duché de Savoie seraient cédés à la France.

Hé oui, c’est comme cela ! Avant la France c’était Paris et rien d’autre. Bah, non, encore pire que maintenant ! Petit à petit, on a greffé d’autres patelins que l’on a piqués ou échangés. C’est d’ailleurs pour cela que la France ressemble à un puzzle avec toutes les pièces sont biscornues. Sinon, tu penses bien qu’on aurait dessiné des départements au carré, voire rectangulaires, cela aurait été plus pratique. Tu peux remarquer que l’histoire est bien faite, puisque cent cinquante ans après, c’est le descendant direct de Napoléon trois, en passant par la Hongrie, Nainpoléon 1^er qui fait ces commémorations. En attendant, je vais quand même profiter pour le remercier, ce trois, pour avoir eu la bonne idée de laisser le pape à Rome. C’est vrai, il aurait pu le remette à Avignon et, aujourd’hui, on aurait eu et le pape et mon Nicolas pour dire des bêtises en France. on n’a déjà pas une bonne réputation…

A présent que l’on sait de quoi il en retourne avec la visite, on va le faire sortir de sa voiture, mon Nicolas, car il attendait bien sagement que je finisse mon cours d’histoire pour jouer son rôle. Donc, il sort de son auto et il est accueilli par une foule en délire. Enfin, en délire, ce n’est pas comme si c’était Johnny qui arrivait, parce qu’ici, il n’y a pas que des applaudissements. Ca non ! Il est applaudi par certains et hué par d’autres. Toutefois, on n’a pas entendu un fan crier un autre, un autre ! Bah, oui, mandat, que veux-tu que ce soit ! Cela n’a pas été dit, mais il doit y avoir aussi une partie qui ne dit rien, certainement aux alentours de cinquante pour cent. En fait, tous ceux qui ne sont pas sortis de chez eux. Ensuite, ce n’est pas compliqué, mon Nicolas passe en revue les gens en serrant les mains tendues. Bah, oui ! Si tu t’imagines qu’il y mettait des billets de banques, dans ces mains tendues, tu te gourais grave ! C’est ce que l’on appel le bain de foule, même si, ici, pour éviter la noyade, on a mis des barrières en guise de bouées.

« Salut toi ! » « Ca va toi ? » Enfin tu t’imagines ce que l’on peut dire quand tu sers la main d’une personne que tu ne connais pas. Surtout que ton cerveau est plutôt en train de penser : « Diable, je n’ai pas encore aperçu le buffet et les petits fours ! » Arrive le tour d’un jeune homme qui lui sert la main et juste après, il l’essuie sur le pull de son voisin. Mon Nicolas n’a pas pu s’empêcher de lui sortir : « Fais pas le malin toi, fais pas le malin ! » C’est vrai que cela paraît hors de propos. On se serait attendu plutôt à : « Ce n’est pas de ma faute si ma main est grasse, c’est celle avant qui venait de manger des frites ! » Ou « T’inquiète, mon gars, j’ai une lotion hydro-alcoholic dans la trousse de survie que Roselyne m’a offerte ! » Et encore : « Tu aurais pu l’essuyer avant de me la tendre. Ce n’est pas grave, je transmets à ton voisin ! » Encore une petite dernière ? C’est bien parce que c’est toi. « Dis tout de suite que mon kleenex est une passoire ! » Tu vois, on pouvait s’attendre à tout, mais pas à « Fais pas le malin toi, fais pas le malin ! » Ah, bah, non ! Cela m’étonnerait quand même qu’il lui aurait dit : « Donne-moi ta main et prends la mienne. Je vais t’les présenter, c’est des amis. Une cellule t’attends quoiqu’il advienne. Elle n’est pas sonnée, l’heure de ta sortie… »

A présent, on peut être sûr qu’il va y avoir quelqu’un de malin pour sortir des t-shirts avec le slogan dessus. Comme cela a été fait avec une phrase que tout le monde a en tête et qui avait fait un méga tube : « Casse-toi pauv’ con ! » Mais il y aurait aussi un truc à faire, parce que je suis sûre, vu ses déplacements, qu’il a dû égrainer des petites phrases dans le même genre un peu partout. Les micros ne sont pas toujours placés au bon endroit et on a dû en louper. Alors, premièrement, on fait un appel national pour avoir un maximum de témoignages et récolter tous les bons mots et les endroits historiques. Ensuite, on fait comme sur Hollywood boulevard. On met des plaques commémoratives gravées au sol. Devant le salon de l’agriculture une plaque : « Ici mon Nicolas a dit casse-toi pauv’ con, en 2008 » Aujourd’hui, devant la mairie de Chambéry, une autre : « Ici mon Nicolas a dit fais pas le malin toi, fais pas le malin en 2010. » Etc..

Tu m’excuseras, mes gens, si tu as une meilleure idée, tu peux toujours la faire connaître par les coms ou par mail si tu es timide. Moi, j’ai trouvé que ce serait un bon compromis pour quelqu’un qui veut laisser une empreinte dans l’histoire. Sans compter que cela va faire plaisir à certains de pouvoir lui marcher dessus. Maintenant, c’est sûr, je te donne cela brute de décoffrage. On sera certainement obligé de préciser sur chaque plaque sa fonction, parce que dans quelques décennies on va en trouver qui ne sauront plus qui il était. Tu sais une parenthèse qui pourrait dire : Président de tous les Français en 2007 et d’un peu qui restent en 2010…