Tindinche 2010 / Tendance 2010

05/04/2010 20:22

Chalut mes gins ! Hé ouais, même un jour férié com’ à’ch’t’heure, j’sus fidèle à ch’rindez-vous aveuc ti ! Ti, dins tin coin, ch’est pon l’peine d’ajouter que j’sus d’jà arvenue d’Rome, chinon te vas vir que j’vais t’les sonner, mi, ches cloches ! Nin mais ! J’espèr’te que tertous i est in forme et que côté foie et estomac tout i va bin auchi, malgré ches tonnes d’chocolat qui ontent dû ête avalées in moins d’vingt-quate heures. Quind te pinses que ches cacaotiers is sontent in voie d’disparichion, cha donn’te à réfléchir. In va drot à l’pénurie dins quéques années. Pis, ch’est com’ cha qu’in n’rinte pus dins ch’marrone et qu’in est obligé d’arvoir ch’garde-rope…

Just’mint, à propos d’garde-rope, chi te t’in chouviens, in a vu insimpe ches arcommindachions vestimintaires d’Carlita in début de s’maine dernière, d’ù qu’alle conseillot à ches femmes d’quarinte ins d’éviter ches minijupes (ichi pour arlire). In treuve deux autes affaires chu des sujets d’euch même acabit. Infin, fachon d’parler, puich’qu’in peut vit’ constater qu’i s’agit plutôt des extrêmes. D’un côté, un proviseur d’collèche, dins l’région toulousaine, i monte in guerre conte l’minijupe à l’école. Chi à quarinte ins, t’es cor’ à l’école, ch’est qu’t’es prof, chinon i y a un problème. Donc ch’est pon par solidarité aveuc Carlita. D’l’aute, ch’est Minseigneur Vingt-tros qui, li, prind ch’définche d’eul burqa in disant qu’i n’faut pon l’interdire. Alors, mes gins, i m’simbe qu’in sot obligés d’faire un tour d’horizon. Cor’ eune fachon d’parler, puich’que dins un cas t’as un horizon particulièremint voilé et dins l’aute, ch’est tell’mint dégagé que t’arrif’ même à raviser ch’lune quind i fait clair ! J’vais commincher par ch’burqa et in finira à poil. Pardon, j’voulos dir’te in minijupe, com’ chi in allot faire un strip-tease. Ti, ch’est pon l’peine d’mette ch’musique d’Joe Cocker et d’commincher à t’déhincher in disant que te n’vas garder qu’tin capieau. Infin, te fais à t’mote après tout…

In n’va pon arv’nir chu ch’que ch’est eune burqa. Ch’i y a eune bionne année d’cha, i y avot cor’ ch’mitan d’eul France qui n’savot pon d’quo qu’in parlot. A’ch’t’heure, tertous i sait qu’i s’agit un mix intre eune tenue d’fantôme d’un bion viux château écossais et d’eune tinte Quechua qui s’rot pus in hauteur qu’in largeur et dont in a gardé ch’tiote moustiquaire pour ches zis. Bah, chinon, ch’est nin pratique et te rintes dins tous ches obstaques ! In peut che d’minder pourquo Minseigneur vingt-tros i a déclaré qu’cha s’rot eune erreur d’interdire ch’burqa. Ouais, j’sais, Vingt-tros, cha fait toudis drôl’te com’ nom d’famille. P’t-ête que sin père i étot d’eul poliche In théorie, in n’devrot pon ch’artreuver aveuc un vingt-quate après, sauf ch’i n’a pon respecté un d’ches vœux. Vingt-tros qui fait un impair, rigolo, nin ? Infin, mi, je n’tenos pon ch’candelle, alors j’in sais rin. J’avoue que j’eum sus possé l’quechtion et je vos plusieurs pochibilités. Premièremint, pindint qu’in parl’te d’cha, in parl’te moins d’ches sujets qui fâchent et, in particulier, de ch’t’affaire d’pédophilie ; eune d’pus. Cha s’rot com’ qui dirot jeter un voile chu ch’qui déringe. Min Benoît XVI, toudis treize et tros d’esprit, i simbe avoir perdu ch’mémoire ou ête sourd chu ch’sujet. Aveuc li, ch’est à croir’te qu’in n’est jamais à l’heure de ch’t’apéro et i n’est pon quechtion d’parler d’saucisses cocktail…

Inchuite, l’aute raison, ch’est auchi dins ch’tenue. Bah, ouais ! Chi li i amèn’te sin grain d’sel dins un débat qui n’est pon vraimint de sin arsort, i n’y a pon d’raison pour qu’mi, j’n’amèn’te pon l’mien. A part l’capote dins ch’t’haut, eune burqa, ch’est pon très différint d’euch tenue à Vingt-tros. I a chertain’mint peur qu’in comminche par-lal et qu’in finiche par interdire auchi l’soutane et tutti quanti. Et pourtint, mi j’te l’dis, i y a chertains nouvieaux prêtres qui s’rotent plutôt craquants chins leu voile intégral, d’autint qu’eusses, in vot leu guiffe in guisse d’échintillon ! Je n’vais pon aller jusqu’à dir’te qu’eune tenue d’Chippendale cha rimplirot ches églises mais, mi, j’s’ros prête à aller raviser cha d’pus près ! Infin, in même timps, in devrot canger ches paroles d’eul canchon à Eddie, pach’que pon d’boogie woogie avint ches prières d’euch soir, cha s’rot dur’te à respecter, pauf’ mortels qu’in est ! In peut chertainemint treuver un compromis intre l’soutane et che stringue. Pour ch’t’été, eune quemisse à fleurs, un short et des tongs, cha ne s’rot pon mau ! Et pour ch’ti qui est choqué qu’je tourn’te cha in dérision, j’vais simpl’mint rapp’ler qu’in dit toudis que ch’t’habit i n’fait pon ch’moine… Alors, i faudrot savoir !

Oops ! J’sins qu’cha met mau à l’aise, alors in va vir ch’partie pus légère. Tell’mint légère d’ailleurs qu’alle che soulèfe à ch’moinde souffle d’vint. Ch’est ch’minijupe qu’in voudrot interdire dins un collèche. D’ailleurs, ch’proviseur i n’parl’te pon que d’minijupe mais auchi d’microjupe. Ch’est quo l’différinche ? Ch’est com’ un aute truc, eune quechtion d’cintimètes et tertous i sait qu’cha fait toute l’différinche. Chi ! Te n’as jamais armarqué que l’fil d’tin aspirateur, i li minque toudis quéques cintimètes pour aller dins ch’coin d’eune pièche ? Nin ? Evidemint, te d’vos pinser à aute cosse, ti’z’aute ! T’es incorrigibe ! In conchidère qu’eune jupe alle est classée mini quind alle arrif’ à dix cintimètes au-d’chus d’ches g’noux. In conchidère qu’alle est classée micro quind alle arrif’ à dix cintimètes auchi, mais in d’chous d’euch nombril. Ouais, alle est classée X com’ che dont à quo te pinsos in évoquant ch’minque d’cintimètes. Pour faire une métaphore, ch’est pus littéraire, eune microjupe alle est com’ ch’rocher qui laisse apparaîte ches moules à marée basse. Ouais, te peux l’dir’te, j’ai honte, j’ai honte qu’alle armonte pon vit’ fait pour n’pon ête classée X ! Ch’mer, bin intindu, pach’qu’in vient d’vir qu’i n’y a pon gramint à armonter aveuc eune microjupe !

Dins un sins, i a raison d’dir’te qu’i faut avoir eune tenue corrèque à l’école. Après in ch’étonn’te qu’i y ait des dérives. Ches garchons is n’vontent tout d’même pon raviser leux pompes. Te sais, ch’est com’ pour tertous d’ailleurs, quind te paches d’vint eune feniêtre dont ches rideaux is sontent grind ouverts et bin, t’as tindinche à raviser, ch’est pus fort qu’ti ! Pis, ch’t’homme i n’fait pon eune fixette uniqu’mint chu ches jupes, i n’a pon querre nin pus à ches pintalons chu ches hinches. Ch’est vrai qu’in peut che d’minder, par momints, commint cha peut t’nir tout seu. A croir’te qu’in a mis un doube-fache chu doube-fesse pour qu’cha tienn’te. I inchaîn’te in disant qu’cha devrot ête réservé pour aller in boîte et pon à l’école. Ch’est vrai, mais te n’sais pon à quel point cha peut ête immerdant auchi in boîte. Te peux arvir ch’canchon d’Adamo com’ suit quind te dinches : Laiche tes mains chu mes hinches, chinon m’marrone alle va querre à tierre. Ch’est nin pratique pour eul dinche, faudra j’acate – tatata – eune paire d’bretelles…

Un inspecteur d’l’académie rappell’te qu’eune tenue corrèque alle est exigée à l’école. Cha m’simbe tell’mint logique qu’je n’auros même pon pinsé qu’in pouvot faire un débat lad’chus, mais ch’est vrai qu’cha n’est pon très parlant nin pus. Ch’est quo corrèque ? I faudrot p’t-ête mette cha noir’te chu blinc. Com’ in vit dins eune époque d’ù qu’i faut tout régleminter, pourquo pon un permis d’tenue, com’ i existe un permis d’conduir’te. A l’école, ch’est au moins trinte-chinq cintimètes d’tissu ind’chous d’euch nombril, chinon te perds un point par cintimète qui minqu’te, par eximpe. Quind te vas in discothèque, te peux ramener cha à dix cintimètes et chi te vas dins un club d’naturistes, ch’est com’ ches autoroutes allemandes, pon d’limitachion, te peux y aller cul nu ! Au moins, cha aurot l’mérite d’ête clair !

Mes gins, j’avoue que je n’sais vraimint pus commint qu’in dot ch’harnaiquer. D’jà ch’timps qui cange toudis, cha n’est pon fachile. Chi, in pus, chacun i simbe avoir sin idée chu ch’qu’i s’rot bion d’porter, quind i faut l’porter et commint i faut l’porter, cha d’vient vraimint compliqué ! I n’minqu’rot pus qu’in nomme eune ministre d’euch tenue vestimintaire. Bah, mi, j’ai bin peur qu’cha finisse par arriver, d’pis que j’sais que mémé capieau alle n’va pus ch’occuper d’ches miss. Ah, cha fait peur, hein, ch’syndrome du capieau et d’eul tenue Chanel d’ù qu’in vot ch’vie in noir’te et blinc ? Hé ouais ! Ch’est bin pour cha que j’voulos t’parler d’euch tindinche 2010 pindint ch’ouiquend pascal, car i m’simbe qu’i y a qué cosse qui cloche…

Salut mes gens ! Hé oui, même un jour férié comme aujourd’hui, je suis fidèle au rendez-vous avec toi ! Toi, dans ton coin, ce n’est pas la peine d’ajouter que je suis déjà revenue de Rome, sinon tu vas voir, je vais te les sonner, moi, les cloches ! Non mais ! J’espère que tout le monde est en forme et que côté foie et estomac tout va bien aussi, malgré ces tonnes de chocolat qui ont dû être avalées en moins de vingt-quatre heures. Quand tu penses que les cacaotiers sont en voie de disparition, cela donne à réfléchir. On va droit à la pénurie dans quelques années. Puis, c’est comme cela que l’on ne rentre plus dans son pantalon et que l’on est obligé de revoir sa garde-robe…

Justement, à propos de garde-robe, si tu t’en souviens, on a vu ensemble les recommandations vestimentaires de Carlita en début de semaine dernière, où elle conseillait aux femmes de quarante ans d’éviter les minijupes (ici pour relire). On trouve deux autres affaires sur des sujets du même acabit. Enfin, façon de parler, puisque l’on peut vite constater qu’il s’agit plutôt des extrêmes. D’un côté, un proviseur de collège, dans la région toulousaine, monte en guerre contre la minijupe à l’école. Si à quarante ans, tu es encore à l’école, c’est que tu es prof, sinon il y a un problème. Donc ce n’est pas par solidarité avec Carlita. De l’autre, c’est Monseigneur Vingt-trois qui, lui, prend la défense de la burqa en disant qu’il ne faut pas l’interdire. Alors, mes gens, il me semble que l’on soit obligés de faire un tour d’horizon. Encore une façon de parler, puisque dans un cas tu as un horizon particulièrement voilé et dans l’autre, c’est tellement dégagé que tu arrives même à observer la lune quand il fait clair ! Je vais commencer par la burqa et on finira à poil. Pardon, je voulais dire en minijupe, comme si l’on allait faire un strip-tease. Toi, ce n’est pas la peine de mettre la musique de Joe Cocker et de commencer à te déhancher en disant que tu ne vas garder que ton chapeau. Enfin, tu fais à ta mode après tout…

On ne va pas revenir sur ce qu’est une burqa. S’il y a une bonne année de cela, il y avait encore la moitié de la France qui ne savait pas de ce dont on parlait. A présent, tout le monde sait qu’i s’agit un mix entre une tenue de fantôme d’un bon vieux château écossais et d’une tente Quechua qui serait plus en hauteur qu’en largeur et dont on a gardé la petite moustiquaire pour les yeux. Bah, sinon, ce n’est pas pratique et tu rentres dans tous les obstacles ! On peut se demander pourquoi Monseigneur vingt-trois a déclaré que ce serait une erreur d’interdire la burqa. Oui, je sais, Vingt-trois, cela fait toujours drôle comme nom de famille. Peut-être que son père était de la police. En théorie, on ne devrait pas se retrouver avec un vingt-quatre après, sauf s’il n’a pas respecté un de ses vœux. Vingt-trois qui fait un impair, rigolo, non ? Enfin, moi, je ne tenais pas la chandelle, alors je n’en sais rien. J’avoue que je me suis posé la question et je vois plusieurs possibilités. Premièrement, pendant que l’on parle de cela, on parle moins des sujets qui fâchent et, en particulier, de cette affaire de pédophilie ; une de plus. Ce serait comme qui dirait jeter un voile sur ce qui dérange. Mon Benoît XVI, toujours treize et trois d’esprit, semble avoir perdu la mémoire ou être sourd sur ce sujet. Avec lui, c’est à croire que l’on n’est jamais à l’heure de l’apéro et il n’est pas question de parler de saucisses cocktail…

Ensuite, l’autre raison, c’est aussi dans la tenue. Bah, oui ! Si lui amène son grain de sel dans un débat qui n’est pas vraiment de son ressort, il n’y a pas de raison pour que moi, je n’amène pas le mien. A part la capote dans le haut, une burqa, ce n’est pas très différent de la tenue de Vingt-trois. Il a certainement peur que l’on commence par-là et que l’on finisse par interdire aussi la soutane et tutti quanti. Et pourtant, moi je te le dis, il y a certains nouveaux prêtres qui seraient plutôt craquants sans leur voile intégral, d’autant qu’eux, on voit leur tête en guise d’échantillon ! Je ne vais pas aller jusqu’à dire qu’une tenue de Chippendale ça remplirait les églises mais, moi, je serais prête à aller regarder cela de plus près ! Enfin, en même temps, on devrait changer les paroles de la chanson d’Eddie, parce que pas de boogie woogie avant les prières du soir, ce serait dur à respecter, pauvres mortels que nous sommes ! On peut certainement trouver un compromis entre la soutane et le string. Pour l’été, une chemise à fleurs, un short et des tongs, ça ne serait pas mal ! Et pour celui qui est choqué que je tourne cela en dérision, je vais simplement rappeler que l’on dit toujours que l’habit ne fait pas le moine… Alors, il faudrait savoir !

Oops ! Je sens que cela met mal à l’aise, alors on va voir la partie plus légère. Tellement légère d’ailleurs qu’elle se soulève au moindre souffle de vent. C’est la minijupe que l’on voudrait interdire dans un collège. D’ailleurs, le proviseur ne parle pas que de minijupe mais aussi de microjupe. C’est quoi la différence ? C’est comme un autre truc, une question de centimètres et tout le monde sait que cela fait toute la différence. Si ! Tu n’as jamais remarqué que le fil de ton aspirateur, il lui manque toujours quelques centimètres pour aller dans le coin d’une pièce ? Non ? Evidement, tu devais penser à autre chose, toi ! Tu es incorrigible ! On considère qu’une jupe est classée mini quand elle arrive à dix centimètres au-dessus des genoux. On considère qu’elle est classée micro quand elle arrive à dix centimètres aussi, mais en dessous du nombril. Oui, elle est classée X comme ce dont à quoi tu pensais en évoquant ce manque de centimètres. Pour faire une métaphore, c’est plus littéraire, une microjupe est comme le rocher qui laisse apparaître les moules à marée basse. Oui, tu peux le dire, j’ai honte, j’ai honte qu’elle ne remonte pas vite fait pour ne pas être classée X ! La mer, bien entendu, parce que l’on vient de voir qu’il n’y a pas grand chose à remonter avec une microjupe !

Dans un sens, il a raison de dire qu’il faut avoir une tenue correcte à l’école. Après on s’étonne qu’il y ait des dérives. Les garçons ne vont tout de même pas regarder leurs pompes. Tu sais, c’est comme pour tous d’ailleurs, quand tu passes devant une fenêtre dont les rideaux sont grand ouverts et bien, tu as tendance à regarder, c’est plus fort que toi ! Puis, cet homme ne fait pas une fixette uniquement sur les jupes, il n’aime pas non plus les pantalons sur les hanches. C’est vrai que l’on peut se demander, par moments, comment cela peut tenir tout seul. A croire que l’on a mis un double-face sur double-fesse pour que cela tienne. Il enchaîne en disant que ce devrait être réservé pour aller en boîte et pas à l’école. C’est vrai, mais tu ne sais pas à quel point cela peut être emmerdant aussi en boîte. Tu peux revoir la chanson d’Adamo comme suit quand tu danses : Laisse tes mains sur mes hanches, sinon m’pantalon va tomber à terre. C’est pas pratique pour la danse, faudra j’achète – tatata – une paire d’bretelles…

Un inspecteur de l’académie rappelle qu’une tenue correcte est exigée à l’école. Cela me semble tellement logique que je n’aurais même pas pensé que l’on pouvait faire un débat là-dessus, mais c’est vrai que ce n’est pas très parlant non pus. C’est quoi correcte ? Il faudrait peut-être mettre cela noir sur blanc. Comme on vit dans une époque où il faut tout réglementer, pourquoi pas un permis de tenue, comme il existe un permis de conduire. A l’école, c’est au moins trente-cinq centimètres de tissu en dessous du nombril, sinon tu perds un point par centimètre qui manque, par exemple. Quand tu vas en discothèque, tu peux ramener cela à dix centimètres et si tu vas dans un club de naturistes, c’est comme les autoroutes allemandes, pas de limitation, tu peux y aller cul nu ! Au moins, cela aurait le mérite d’être clair !

Mes gens, j’avoue que je ne sais vraiment plus comment l’on doit s’habiller. Déjà ce temps qui change toujours, ce n’est pas facile. Si, en plus, chacun semble avoir son idée sur ce qu’il serait bon de porter, quand il faut le porter et comment il faut le porter, cela devient vraiment compliqué ! Il ne manquerait plus que l’on nomme une ministre de la tenue vestimentaire. Bah, moi, j’ai bien peur que cela finisse par arriver, depuis que je sais que mémé chapeau ne va plus s’occuper des miss. Ah, ça fait peur, hein, le syndrome du chapeau et de la tenue Chanel où l’on voit la vie en noir et blanc ? Hé oui ! C’est bien pour cela que je voulais te parler de cette tendance 2010 pendant ce week-end pascal, car il me semble qu’il y a quelque chose qui cloche…