Pierre ou un ouiquen chins rin !

23 Novembre 2009

Chalut mes gins ! J’cros qu’cha y est, in est vraimint in automne. Cha comminche à sintir ches fiêtes d’fin d’année. Du moins, cha fleurot bion ch’sintimint d’vin caud d’euch côté d’el Grind-Plache, à Lille. Bah, nin ! Cha n’veut pon dir’te qu’in a d’el neige et qu’in peut rincontrer des skieurs. Ch’étot simpl’mint des effluves qui v’notent d’euch marché d’Noël ! Te peux aller raviser, chi l’cœur i t’in dit. Dix minutes, montre in main, j’avos fait ch’tour. D’ailleurs, j’vais chertain’mint t’dir’te qu’ch’est à peu près parel pour faire ch’tour d’ches actualités de ch’ouiquen. Alors, j’ai déchidé d’faire un tiot portrait d’euch seu qui a fait parler vraimint d’li…

I a fallu moins d’dix minutes pour qu’min Pierre Bergé i ch’fasse d’nouvieaux ennemis. Bah, ouais ! Dir’te que ch’Téléthon i ramèn’te gramint trop d’argint à l’Associachion Françaisse conte ches Myopathies, cha a fait l’effet d’eune bombe ! D’autint qu’ch’est peu d’timps avint ch’t’émichion et qu’cha richqu’te just’mint d’faire déchinde ches compteurs. L’pir’te, ch’est qu’cha n’est pon pour autint qu’cha va rimplir ches caisses du Sidaction, dont il est présidint. A m’mote, cha fait rar’mint vasses communicants quind i s’agit d’dons. In pus, vu ch’te crisse… Infin, je n’vais pon juer à ches oijieaux d’malheur. I verra bin in timps et in heure. A’ch’t’heure, i y a qué cosse qui accompagn’te toudis Pierre Bergé. Je n’sais pon chi te l’as armarqué, mais in dit pour l’présinter qu’ch’est un riche homme d’affaire…

Ouais, bion ! J’te vos d’jà in train d’pinser : Ch’est bin, in est contint pour li ! T’as raison, mes gins, in n’va chertain’mint pon l’plainde pach’qu’i est riche. Seul’m’int, in rajoute toudis après, un proche d’Ségolène. Et v’là qui mérite qu’in approfondiche. Chaque fos que j’lis ou j’intinds cha, ch’est com’ chi in parlot d’eune médalle. Te sais, mais ch’t’arvers d’eune médalle. D’un côté, ch’est un riche homme d’affaire, mais pon d’chince pour li, ch’est un proche d’Ségolène. Un ying et un yang à li tout seu. Eune sorte d’équilibe d’ches forches. Loin d’mi l’idée d’dir’te qu’ch’est chertain’mint pour cha qu’i parl’te chins réfléchir, mais in a l’impréchion qu’cha pourrot li servir d’excusses. « Ah, ouais, ch’est Pierre Bergé qui l’a dit ! » Te sais, aveuc l’intonachion d’el perchonne qui est in train d’pinser : « Ah, ouais, un proche d’Ségolène… »

Et ch’est com’ cha qu’un Bergé i peut dev’nir Ricard. Bah, nin, Pernod mes gins ! Duval vraimint pon bin Marie Toutoule ! Euh ! J’cros qu’j’ai min syndrome marseillais qui m’jue un tour. J’vais armette tout dins ch’bion sins. J’voulos dir’te pardon, pon Pernod, qu’i peut dev’nir tricard ! Te l’auras d’viné, min « t » i est rechté coincé dins ch’planque à bioutons. Bref, cha pourrot expliquer auchi chertaines attitutes d’Ségolène. D’autint qu’in n’oublie pon qu’alle a été com’ prisse par l’grâche, i y a un in. In in avot tertous déduit qu’ch’étot un effet d’sin nouvieau coach. Ch’est vrai qu’i a invinté un conchept tout nouvieau, ch’ti d’dir’te ches miots par syllabes. Seul’mint, sin inspirachion divine, qu’alle simblot avoir lorch’qu’alle rintrot in transe aveuc sin couplet sur l’fra-ter-ni-té, in n’avot jamais vraimint treuvé eune explicachion…

Bin, v’là, j’cros qu’j’ai mis ch’dogt d’chus ! Pierre est min Bergé. Ouais, ch’est quind même pon Diu, in n’va pon aller jusque-lal ! Te sais, Ségolène alle a bieau juer ches sœurs d’euch grind pardon, ch’est pon eune nonne ! In attindint, i n’faudrot pon oublier qu’ch’est quind même li qui a mis l’main à sin porte-monnaie pour finincher sin projet. Bref, à’ch’t’heure, in peut même aller pus loin. Ch’est quo qu’i y a l’pus in Charente-Poitou ? J’te l’donne in mille, Emile ! Quo ? Ch’est pon tin prénom ? J’sais bin, ch’est juss’ eune fachon d’parler. Pindint ch’timps-lal, t’as eu l’timps d’réfléchir, alors l’réponche, ch’est… Ches biquettes ! Et d’qui qu’in a b’soin pour garder ches biquettes ? Te vos bin, i est vraimint su tous ches fronts aveuc qu’alle…

Mes gins, chi t’as fait moins d’dix minutes pour lir’te min artique, ch’est qu’t’as réuchi à faire auchi bin qu’el seu nouvielle qui simblot ête à ch’t’ordre d’euch jour, ch’ouiquen. In attindint miux et cha n’saurot tarder, car Ségolène alle a un agenda chargé, cha promet ! Alle va même pacher par Rome, ch’est dir’te ! Pierre est min Bergé, un conchept qui va faire un malheur dins ch’te ville ! Pour eune fos qu’un Benoît i n’va nin critiquer ch’fachon d’pinser, ni sin guide…

Pierre ou un week-end sans rien !

Salut mes gens ! Je crois que ça y est, on est vraiment en automne. Ca commence à sentir les fêtes de fin d’année. Du moins, ça fleurait bon l’odeur de vin chaud du côté de la Grand-Place, à Lille. Bah, non ! Ca ne veut pas dire que l’on a de la neige et que l’on peut rencontrer des skieurs. C’était simplement des effluves qui venaient du marché de Noël ! Tu peux aller regarder, si le cœur t’en dit. Dix minutes, montre en main, j’avais fait le tour. D’ailleurs, je vais certainement te dire que c’est à peu près pareil pour faire le tour des actualités de ce week-end. Alors, j’ai décidé de faire un petit portrait du seul qui a fait parler vraiment de lui…

I a fallu moins de dix minutes pour que mon Pierre Bergé se fasse de nouveaux ennemis. Bah, oui ! Dire que le Téléthon ramène beaucoup trop d’argent à l’Association Française contre les Myopathies, cela a fait l’effet d’une bombe ! D’autant que c’est peu de temps avant l’émission et que cela risque justement de faire descendre les compteurs. Le pire, c’est que ce n’est pas pour autant que cela va remplir les caisses du Sidaction, dont il est président. A mon avis, cela fait rarement vases communicants quand il s’agit de dons. En plus, vu cette crise… Enfin, je ne vais pas jouer aux oiseaux de malheur. On verra bien en temps et en heure. Maintenant, il y a quelque chose qui accompagne toujours Pierre Bergé. Je ne sais pas si tu l’as remarqué, mais on dit pour le présenter que c’est un riche homme d’affaire…

Oui, bon ! Je te vois déjà en train de penser : C’est bien, on est content pour lui ! Tu as raison, mes gens, on ne va certainement pas le plaindre parce qu’il est riche. Seulement, on rajoute toujours après, un proche de Ségolène. Et voilà qui mérite que l’on approfondisse. Chaque fois que je lis ou j’entends cela, c’est comme si l’on parlait d’une médaille. Tu sais, mais le revers d’une médaille. D’un côté, c’est un riche homme d’affaire, mais pas de chance pour lui, c’est un proche de Ségolène. Un ying et un yang à lui tout seul. Une sorte d’équilibre des forces. Loin de moi l’idée de dire que c’est certainement pour cela qu’il parle sans réfléchir, mais on a l’impression que cela pourrait lui servir d’excuses. « Ah, oui, c’est Pierre Bergé qui l’a dit ! » Tu sais, avec l’intonation de la personne qui est en train de penser : « Ah, oui, un proche de Ségolène… »

Et c’est comme cela qu’un Bergé peut devenir Ricard. Bah, non, Pernod mes gens ! Duval vraiment pas bien Marie Toutoule ! Euh ! Je crois que j’ai mon syndrome marseillais qui me joue un tour. Je vais remettre tout dans le bon sens. Je voulais dire pardon, pas Pernod, qu’il peut devenir tricard ! Tu l’auras deviné, mon « t » est resté coincé dans la planche à boutons. Bref, ce pourrait expliquer aussi certaines attitudes de Ségolène. D’autant que l’on n’oublie pas qu’elle a été comme prise par la grâce, il y a un an. On en avait tous déduit que c’était un effet de son nouveau coach. C’est vrai qu’il a inventé un concept tout nouveau, celui de dire les mots par syllabes. Seulement, son inspiration divine, qu’elle semblait avoir lorsqu’elle rentrait en transe avec son couplet sur la fra-ter-ni-té, on n’avait jamais vraiment trouvé une explication…

Bien, voilà, je crois que j’ai mis le doigt dessus ! Pierre est mon Bergé. Oui, ce n’est quand même pas Dieu, on ne va pas aller jusque-là ! Tu sais, Ségolène a beau jouer les sœurs du grand pardon, ce n’est pas une nonne ! En attendant, il ne faudrait pas oublier que c’est quand même lui qui a mis la main au porte-monnaie pour financer son projet. Bref, à présent, on peut même aller plus loin. Qui a-t-il le plus en Charente-Poitou ? Je te le donne en mille, Emile ! Quoi ? Ce n’est pas ton prénom ? Je sais bien, c’est juste une façon de parler. Pendant ce temps-là, tu as eu le temps de réfléchir, alors la réponse, c’est… Les biquettes ! Et de qui a-t-on besoin pour garder les biquettes ? Tu vois bien, il est vraiment sur tous les fronts avec qu’elle…

Mes gens, si tu as fait moins de dix minutes pour lire mon article, c’est que tu as réussi à faire aussi bien que la seule nouvelle qui semblait être à l’ordre du jour, ce week-end. En attendant mieux et ce ne saurait tarder, car Ségolène a un agenda chargé, ça promet ! Elle va même passer par Rome, c’est dire ! Pierre est mon Bergé, un concept qui va faire un malheur dans cette ville ! Pour une fois qu’un Benoît ne va pas critiquer sa façon de penser, ni son guide…