Olivier Marais et ches bulles d’bionheur…

13 Novembre 2009

Chalut mes gins ! In arrif’ d’jà à l’fin d’eune s’maine qui aura été marquée par l’chouv’nir d’euch mur, qué i y a vingt ins. Ch’est com’ chi tous ches echpoirs is étotent d’nouvieau permis. J’ai com’ eune sorte d’insoucianche dins l’tiête…

Bah, mes gins ! J’cros qu’cha n’a rin à vir aveuc ch’mur, mais plutôt aveuc l’album que j’acoute in boucle d’pis des s’maines. Ch’ti d’un canteur lillois, Olivier Marais. Sin trosième opus ch’intitule « Les Bulles de Savon ». Je t’ai d’jà parlé rapid’mint d’li, par deusse fos, et j’t’avos promis d’te l’présinter. Quo d’miux à’ch’t’heure, pour commincher tin ouiquen, d’découvrir ch’t’auteur compositeur interprète. Olivier Marais i est un grind obchervateur d’el vie et d’ches contimporains. D’ches tiots travers, d’ches tiotes habitutes qu’in a tertous, chins s’in rinde vraimint compte, i in fait des canchons aveuc des paroles et des mélodies que t’artiens à l’première acoute. Ch’est ainchi qu’in comminche l’album aveuc l’grinde messe d’el télévision, le télé-achat. I constate d’une fachon légère, mais tell’mint vraie, qu’cha résout tous ches problèmes pach’qu’i a tout ch’qu’i faut, miux qu’chez Casto. Aveuc un chouci, toutefos, ch’est tell’mint fachile d’appuyer su ch’te zappette qu’te paches tin timps d’vint ch’télé chins pus rin faire. Ne m’dis pon, mes gins, qu’cha n’te rappell’te perchonne…

Ch’est ainchi qu’in va ête trinsporté, à ch’gré d’ches dousse canchons, par des situachions que t’as forchémint vécues, pis chertain’mint pus d’eune fos. Ches matins pourris d’ù qu’i n’y a rin qui va. Olivier Marais i décline l’absinche de ch’t’ami Ricoré, hésitant intre l’fait qui sot arparti ch’pieuter ou in RTT et t’as abindonné à tin triste sort. In pache auchi par des quechtions existinchielles : Qu’est-ce que je fous là ? Bah, ouais, mes gins ! Qui n’a pon eu ch’t’interrogachion in tiête au moins eune fos ? Quind t’es pris dins ches bouchons ou qu’t’es à un dîner qui n’in finit pon, aveuc des conversachions barbantes…

Par conte, ch’est pon l’ginre d’quechtion qu’te t’poses quind te vas à ches concherts d’Olivier Marais. Ch’est mi qui te l’dis, car j’in ai fait l’expérienche pus d’eune fos ! I est tout seu su schène. Un gars, eune guitare, com’ i ch’plait à l’dir’te. J’vais rajouter : Et ch’casquette ! Pour cha, i li arrif’ d’travercher l’France, pach’qu’i ch’produit partout. Quind ches leumières chs’éteign’tent, n’laichant apparaîte qu’cha silhouette fluette, ne t’y fies pon : Cha démarre dur’te et i invoie com’ Schwarzy ! Juss’ par ches intonachions et sin visache expressif, i est capabe de t’trinsmette tout un panel d’émochions pachant du rire à l’gravité, mais toudis aveuc eune chertaine légèr’té. Ch’est toudis pus fachile pour pacher des messaches importants. Ch’est pon mi qui vais t’dir’te ch’contraire !

A’ch’t’heure, mes gins, te sais quo qu’i t’rechte à faire : Acater sin album « Les Bulles de Savon » ! In pus, ch’est pon quer pour autint d’bionheur su eune même galette ; 1 euro l’canchon, soit dousse euros. Ch’est bin, j’in vos qui suiv’tent ! Un exchellint cadieau pour ches fiêtes d’fin d’année ou juss’ pour faire plaiji. Com’ cha, te pourras découvrir la vie de chaussette, qu’in pourrot chous-titrer par drame dins l’machine à laver. Quéques tiots maux dins ch’couple aveuc Lulu, Vivement Alzheimer ou l’projection d’un futur ou jonne père, aveuc il n’en est pas question, su ch’que sin gamin i pourrot li faire, arrivé à l’âche ado. Chins compter un indrot paradisiaque qu’in appréchie tertous pour sin calme. Ch’plaiji solitaire d’ête au petit coin… D’ailleurs, Olivier, t’avos d’jà un tite dins tin préchédint album qui ch’app’llot dans les toilettes pour dames. Cha dot ête vraimint un indrot privilégié pour ti. Mais cha n’argarde que ti, ch’est t’vie !

Quind t’auras décellophané ch’te CD, t’auras l’privilèche d’découvrir quéques autes tites et un superbe livret aveuc toutes ches paroles. J’auros simpl’mint querre à ajouter qu’in pus d’faire d’bielles canchons et d’bielles mélodies, Olivier i est quelqu’un d’une grinde gintillesse, d’une grinte sinsibilité, très simpe et à l’acoute d’ches autes. In tout cas, mes gins, n’hésite pon à aller à ches concherts ch’i pache dins tin coin. Te ne l’argrett’ras pon ! Olivier Marais, ch’est un ochéan d’bionheur à li tou seu !

In attindant, in va raviser ch’clip de Bulles de Savon. Ches paroles alles comminchent com’ cha : On a tous voulu un jour changer d’air, changer de vie. Un beau matin, sans détour, tirer les rêves hors du lit… (ravise après ch'version in français)

Olivier Marais et ses bulles de bonheur…

Salut mes gens ! On arrive déjà à la fin d’une semaine qui aura été marquée par le souvenir du mur, tombé il y a vingt ans. C’est comme si tous les espoirs étaient de nouveau permis. J’ai comme une sorte d’insouciance dans la tête…

Bah, mes gens ! Je crois que cela n’a rien à voir avec ce mur, mais plutôt avec l’album que j’écoute en boucle depuis des semaines. Celui d’un chanteur lillois, Olivier Marais. Son troisième opus s’intitule « Les Bulles de Savon ». Je t’ai déjà parlé rapidement de lui, par deux fois, et je t’avais promis de te le présenter. Quoi de mieux aujourd’hui, pour commencer ton week-end, de découvrir cet auteur compositeur interprète. Olivier Marais est un grand observateur de la vie et de ses contemporains. De ces petits travers, de ces petites habitudes que l’on a tous, sans s’en rendre vraiment compte, il en fait des chansons aux paroles et aux mélodies que tu retiens à la première écoute. C’est ainsi que l’on commence l’album avec la grande messe de la télévision, le télé-achat. Il constate d’une façon légère, mais tellement vraie, que cela résout tous les problèmes parce qu’il a tout ce qu’il faut, mieux qu’chez Casto. Avec un souci, toutefois, c’est tellement facile d’appuyer sur cette zappette que tu passes ton temps devant la télé sans plus rien faire. Ne me dis pas, mes gens, que cela ne te rappelle personne…

C’est ainsi que l’on va être transporté, au gré des douze chansons, par des situations que tu as forcément vécues, puis certainement plus d’une fois. Ces matins pourris où il n’y a rien qui va. Olivier Marais décline l’absence de l’ami Ricoré, hésitant entre le fait qui soit reparti se pieuter ou en RTT et t’as abandonné à ton triste sort. On passe aussi par des questions existentielles : Qu’est-ce que je fous là ? Bah, oui, mes gens ! Qui n’a pas eu cette interrogation en tête au moins une fois ? Quand tu es pris dans les bouchons ou que tu es à un dîner qui n’en finit pas, avec des conversations barbantes…

Par contre, ce n’est pas le genre de question que tu te poses quand tu vas aux concerts d’Olivier Marais. C’est moi qui te le dis, car j’en ai fait l’expérience plus d’une fois ! Il est tout seul sur scène. Un gars, une guitare, comme il se plait à le dire. Je vais rajouter : Et sa casquette ! Pour cela, il lui arrive de traverser la France, parce qu’il se produit partout. Quand les lumières s’éteignent, ne laissant apparaître que sa silhouette fluette, ne vous y fiez pas : Ca démarre dur et il envoie comme Schwarzy ! Juste par ses intonations et son visage expressif, il est capable de te transmettre tout un panel d’émotions passant du rire à la gravité, mais toujours avec une certaine légèreté. C’est toujours plus facile pour passer des messages importants. Ce n’est pas moi qui vais te dire le contraire !

A présent, mes gens, tu sais ce qu’il te reste à faire : Acheter son album « Les Bulles de Savon » ! En plus, ce n’est pas cher pour autant de bonheur sur une même galette ; 1 euro la chanson, soit douze euros. C’est bien, j’en vois qui suivent ! Un excellent cadeau pour les fêtes de fin d’année ou juste pour faire plaisir. Comme cela, tu pourras découvrir la vie de chaussette, que l’on pourrait sous-titrer par drame dans la machine à laver. Quelques petits maux dans le couple avec Lulu, Vivement Alzheimer ou la projection d’un futur ou jeune père, avec il n’en est pas question, sur ce que son gamin pourrait lui faire, arrivé à l’âge ado. Sans compter un endroit paradisiaque que l’on apprécie tous pour son calme. Le plaisir solitaire d’être au petit coin… D’ailleurs, Olivier, tu avais déjà un titre dans ton précédent album qui s’appellait dans les toilettes pour dames. Ce doit être vraiment un endroit privilégié pour toi. Mais cela ne regarde que toi, c’est ta vie !

Quand tu auras décellophané ce CD, tu auras le privilège de découvrir quelques autres titres et un superbe livret avec toutes les paroles. J’aimerais simplement ajouter qu’en plus de faire de belles chansons et de belles mélodies, Olivier est quelqu’un d’une grande gentillesse, d’une grande sensibilité, très simple et à l’écoute des autres. En tout cas, mes gens, n’hésite pas à aller à ses concerts s’il passe dans ton coin. Tu ne le regretteras pas ! Olivier Marais, c’est un océan de bonheur à lui tout seul !

En attendant, on va regarder le clip de Bulles de Savon. Les paroles commencent comme cela : On a tous voulu un jour changer d’air, changer de vie. Un beau matin, sans détour, tirer les rêves hors du lit…

http://www.myspace.com/oliviermarais

http://www.oliviermarais.com/