Ch'pélican à réac'chion / Le pélican à réaction

05/02/2010 20:57

Chalut mes gins ! Cor’ un jour particulier. J’in connos qui n’ontent pon dû in faire eune ramée pour ête in pleine forme pour ches vacinches. Ouais, cor’… Cha arvient gramint pus vit’ pour chertains qu’pour d’autes, te n’treuves pon ? Infin, ch’est nin ch’momint d’philosopher lad’chus, j’ai un artique à faire, même chi j’n’ai pon vraimint ches zis in fache d’ches trous. Bah, ouais, Monsieur Rémi i étot in conchert, hier choir, et is ontent mis ch’fu pindint tros heures d’long ! Vingt dius ! In a eu ches rappels, ches rappels d’rappels et ches rappels d’rappels d’rappels, mais qu’est-che qu’in ch’est éclatés…

Cor’ un jour particulier, j’disos donc à juss’ tite. J’ai infin des nouvielles d’em grinte copine. Cha comminchot à faire long. Pon d’alerte inlèv’mint, j’étos rassurée, mais quind même. Pon un texte haut, puich’qu’alle rechtot muette. Pon un essai messe et Diu sait qu’in avot quer à ch’grinte messe, même chi ch’t’essai i n’étot pon trinsformé. Indice court inexistant, pour artreuver ch’trache. Pon un émile et eune nuit, quo que j’dis, des nuits qu’alle a dichparue, ma Jasmine. Ma Chère hasard d’el politique. Cheule chins qui ches frigidaires is arsimpent gramint pus à des garde-minger, plutôt à des boîtes à idée. Ouais, mes gins, te l’auras d’viné, in a artreuvé ch’quemin, quo que j’dis cor’, ch’voie royale qui m’not jusqu’à ch’cachette. Not’ Ségolène d’Poitiers rin à qu’à nous ! Quo ? Te cros qu’j’in fais d’trop ? Ch’est Ségolène d’Poitiers qui t’posse un problème ? Pourtint, cha li va bin. Diane alle étot douée d’un sins aigu d’euch pouvoir et alle a exercé eune forte influinche chu ch’Ro d’France. Bion, j’te l’accorde, l’influinche alle est partie d’pis quéque timps, mais attinds sin artour !

Just’mint pour sin artour, alle a pris sin pélican ! Bah, nin, ti’z’aute ! J’vais apporter eune préchision car i est vrai qu’i peut y avoir confusion pour tous ches ch’tis. Cha n’a rin à vir aveuc ch’marque d’bière ! I s’agit d’eune tiote carette électrique qui est fabriquée par Heuliez, eune sochiété quère à sin cœur et d’sin pat’lin. Pach’que, mes gins, in che d’mindot d’ù qu’alle étot muchée, Ségolène. In fait, chez alle tout simpl’mint. Chi in avot fini d’faire l’tour d’ches salles d’chpectaque dins Paris et invirons, in l’aurot artreuvée bin avint ! Je n’sus pon vindeusse d’carette, mais i faut quind même que j’t’explique quo qu’ch’est qu’euch Pélican et pourquo sin nom. J’te mettrai ch’t’arportache in annexe, mais te vas vir à ch’premier cop d’oeul qu’i ch’appell’te com’ cha chertain’mint pach’qu’i arsimpe à un pélican. Du moins, in dirot l’guiffe de ch’te braf’ biête à z’ailes…

Chu che d’vint, is ontent mis un énorme bac. Te sais, com’ ch’panier qu’te peux mette pour aller faire ches commichions à vélo. Seul’mint lal, in fait pélican, alors com’ ch’te bestiole, in n’hésite pon à li mette un double minton d’chez double minton. Ch’est bin simpe, j’ai cru qu’ch’étot eune baignoire baladeusse chu ch’momint. Eune baignoire montée chu un moteur qui permettrot d’chinger fachil’mint d’pièche. A’ch’t’heure, te fais trimpette dins tin salon, mais te peux aller jusqu’à ch’biout d’ti gardin et cha fait pischine ! Bion, cha peut faire jacuzzi, in vot qu’t’as des goûts d’luxe, mais cha dépend d’euch que t’as mingé… Oops, j’dérive ! Bah ouais, ch’est profond, j’auros dû j’ter l’incre. Bref, chi te n’as pon querre à m’baignoire à roulettes, te peux y vir un énorme caddie électrique pour faire ches courses. Te gagnes du timps, te n’as pon à trinsférer quo qu’t’as acaté dins tin coffre. In peut dir’te qu’ch’est tin coffre qui va à ches commichions, nin pon ches comminchions qui vontent à ch’coffre.

Alors, in l’sait, électrique, ch’est bion pour ch’planète et Ségolène alle a querre à cha. Mi auchi, d’ailleurs. I y a juss’ eune quechtion qui m’vient in tiête. Commint qu’in fait pour que ch’t’électrichité qu’i faut pour archarger ches batt’ries alle n’pollue pon ? En d’autes termes, est-che que te treuves des prisses d’courint aveuc eune électrichité propre ? Infin, i faudra que j’em rinseign’te. Qui dit auchi électrique, dit courte distinche. Bah, nin, te n’y es pon ! Ch’est pon pach’qu’i y a un fil et qu’i n’est pon assez long ! Arlis juss’ aud’chus, j’ai parlé d’batt’rie… Ch’est just’mint qu’ches batt’ries alle n’ontent pon eune grinte autonomie. V’là, mes gins, te sais pourquo Ségolène alle fait juss’ cimpagne dins sin pat’lin ! Com’ ches marins qui ontent eune femme dins chaque port, alle, i li faut eune prisse dins chaque ville qu’alle va visiter, mais pon trop éloignées ches unes d’ches autes. J’te laiche imaginer l’timps d’chaque dichcours ! Bah, ouais, i faut bin laicher ches batt’ries ch’archarger ! Te n’cros toud’même pon que j’vais aller poucher…

A’ch’t’heure qu’ches journalistes is ontent eusses-auchi artreuvé Ségolène, i y a eune churpopulachion dins sin bled. J’auros pu faire eune métaphore dins l’style : is sont attirés com’ des mouques par ch’que te veux, mais cha s’rot vraimint mauviais. Ah, i y a auchi : is sont attirés com’ des mouettes par ch’pichon. Cha rechte in rapport aveuc ch’pélican qui a dins sin bec des pichons. Bref, tertous i ch’interroche et churtout i l’interroche pour savoir quo qu’alle pinse d’euch qui ch’pache dins ch’monte politique. Bah, alle n’fait pon eune artraite dins un couvent isolé quind même. In ch’doute bin qu’alle a au moins ch’télé ou Internet pour suif’. Curieuss’mint, quind in li d’minde quo qu’alle pinse d’ches derniers évèn’mints, alle qui avot toudis qué cosse à dir’te chu tout, alle n’dit rin…

Ch’est nin graf’, ches journalistes is vontent dir’te ch’miot qui tue. Du moins, ch’miot qui tue ches sochialistes in ch’momint : Frêche ! Te m’croras chi te veux, mes gins, mais alle n’a même pon eu peur ! J’auros cru qu’alle allot sortir auchitôt un crucifix in linchint un Vadé Pèquenaud Sale Georgas, mais même pon. Cha l’a fait même sourir’te. P’t-ête jaune, pochipe, mais cha n’l’a pon impêqué d’ajouter : « I n’est pon in Poitou-Charentes que j’sache ! » Vlan, ti, l’journaleux ! Ch’est pon quéqu’un d’sin voisinache, ni un d’ches aides pour traire ches biquettes et fabriquer ch’Chabichou. Monsieur l’journaliste, t’as juss’ oublié qu’euch carette alle n’peut pon aller jusqu’in Languedoc-Roussillon, bin trop loin pour l’autonomie d’sin pélican !

Cha n’est même pon l’peine d’chiter tout ch’bottin politique, alle connôt perchonne in ch’momint. Alle a fait des nouvieaux copains, ches joies d’el cimpagne, in ches amis à Bayrou. Te sais ch’qu’in dit, les amis d’mes amis, n’sont pon forchémint mes amis. Chelon Ségolène, les amis d’mes amis, je n’in ai jamais intindu parler. Pis arrête aveuc toutes ches quechtions ! Ichi alle est eune présidinte d’Région à plein timps et ch’est tout ! Bion, in va quind même essayer un aute nom, in n’sait jamais : Dominique Bussereau ? Vingt dius ! Cha y est, in l’a réveillée d’un cop ! La v’là qui sort eune première tirate : « I m’a d’jà traitée d’minteusse et a accusé ches cintristes (ches nouvieaux amis) d’aller à l’gamelle. » Bah, ch’ti-lal, alle le connôt mais ch’est normal, i est dins ch’rayon d’ac’chion d’sin pélican, puich’que ch’est ch’tiête d’liste UMP in Poitou-Charente. Et d’ajouter : « Cha prouf’ qu’i n’y a pus d’code. In l’sint in serviche commindé, obligé par Nicolas Sarkozy… »

Et ouais, ch’mémoire d’eune aute vie alle li arvient. Aveuc toutes ches quechtions, is ontent réuchi à appuyer chu ch’boution qui révelle, puich’qu’alle arriv’te à’ch’t’heure à ch’souv’nir d’quéqu’un qui n’est pon d’sin coin, min Nicolas ! Com’ in dit qu’i faut toudis faire ch’ménache d’vint ch’porte, in v’là un deussième qui in prind pour sin grade, ch’est sin Préfet d’région, Bertrand Tomasini : « I est antirépublicain. Ches sorties, ches prisses d’posichion alles rappell’tent ches services chous Pasqua. I dot ch’tromper d’époque ! » Tout li arvient, mes gins, alléluia ! Cor’ un tiot pour l’route, ch’est même un lot complet qui prind, ches socialistes signataires de la pétition ch’opposint à l’stratégie d’ouverture : « Is m’arproch’tent de n’pon faire allianche à gauche. Ch’est pourtint par là qu’j’ai comminché mais nos partenaires ont pinsé qu’i conv’not qu’is ch’comptent. Je n’ai m’né aucune négociachion aveuc ch’Modem, seul’mint aveuc des perchonnalités individuelles qui ch’arconnaiss’tent pus dins ches ac’chions que j’mène qu’dins l’drote d’Sarkozy. Parmi ches signataires, i y a gramint d’adhérints d’el mochion Hamon. Ches régionales alles n’sont pon l’injeu d’un Congrès. I n’faut pon ch’tromper d’échéinches. »

In pleine forme ! Cha s’ra l’conclusion à tout min artique ! Alle est arvigotée com’ jamais, Ségolène, et qu’in che l’disse ! In pus, in sait à’ch’t’heure quel est ch’prochain qui va faire ches frais, ch’est min Benoît Hamon, puich’qu’alle le conchidère com’ ch’t’impêqueux d’tourner in rond ! Mes gins, j’cros bin qu’in li a archargé ches batt’ries. P’t-ête même qu’in li a mis des Duracell. Chi alle fait l’même cosse aveuc sin pélican, i va dev’nir à réac’chion car ch’est puichint. Méfie-te, d’ù qu’t’sos, alle va t’artreuver et cha va barder pour tin matricule ! Pis, te sais, ches Duracell, cha va gramint longtimps, au moins jusqu’in deux mille dousse !

Salut mes gens ! Encore un jour particulier. J’en connais qui n’ont pas dû en faire une ramée pour être en pleine forme pour les vacances. Oui, encore… Cela revient bien plus vite pour certains que pour d’autres, tu ne trouves pas ? Enfin, ce n’est pas le moment de philosopher là-dessus, j’ai un article à faire, même si je n’ai pas vraiment les yeux en face des trous. Bah, oui, Monsieur Rémi était en concert, hier soir, et ils ont mis le feu pendant trois heures de long ! Bon sang ! On a eu les rappels, les rappels de rappels et les rappels de rappels de rappels, mais qu’est-ce que l’on s’est éclatés…

Encore un jour particulier, je disais donc à juste titre. J’ai enfin des nouvelles de ma grande copine. Ca commençait à faire long. Pas d’alerte enlèvement, j’étais rassurée, mais quand même. Pas un texte haut, puisqu’elle restait muette. Pas un essai messe et Dieu sait qu’on aimait sa grande messe, même si l’essai n’était pas transformé. Indice court inexistant, pour retrouver sa trace. Pas un émile et une nuit, que dis-je, des nuits qu’elle a disparue, ma Jasmine. Ma Chère hasard de la politique. Celle sans qui les frigidaires ressemblent beaucoup plus à des garde-manger, plutôt à des boîtes à idée. Oui, mes gens, tu l’auras deviné, on a retrouvé le chemin, que dis-je encore, la voie royale qui menait jusqu’à sa cachette. Notre Ségolène de Poitiers rien à qu’à nous ! Quoi ? Tu crois que j’en fais de trop ? C’est Ségolène de Poitiers qui te pose un problème ? Pourtant, ça lui va bien. Diane était douée d’un sens aigu du pouvoir et elle a exercé une forte influence sur le Roi de France. Bon, je te l’accorde, l’influence est partie depuis quelque temps, mais attends son retour !

Justement pour son retour, elle a pris son pélican ! Bah, non, toi ! Je vais apporter une précision car il est vrai qu’il peut y avoir confusion pour tous les ch’tis. Ca n’a rien à voir avec la marque de bière ! Il s’agit d’une petite voiturette électrique qui est fabriquée par Heuliez, une société chère à son cœur et de son patelin. Parce que, mes gens, on se demandait où elle était cachée, Ségolène. En fait, chez elle tout simplement. Si l’on avait fini de faire le tour des salles de spectacle dans Paris et environs, on l’aurait retrouvée bien avant ! Je ne suis pas vendeuse d’auto, mais il faut quand même que je t’explique ce qu’est ce Pélican et pourquoi son nom. Je te mettrai le reportage en annexe, mais tu vas voir au premier coup d’œil qu’il s’appelle comme cela certainement parce qu’il ressemble à un pélican. Du moins, on dirait la gueule de cette brave bête à z’ailes…

Sur le devant, ils ont mis un énorme bac. Tu sais, comme le panier que tu peux mettre pour aller faire les commissions à vélo. Seulement là, on fait pélican, alors comme cette bestiole, on n’hésite pas à lui mettre un double menton de chez double menton. C’est bien simple, j’ai cru que c’était une baignoire baladeuse sur le moment. Une baignoire montée sur un moteur qui permettrait de changer facilement de pièce. Là, tu fais trempette dans ton salon, mais tu peux aller jusqu’au bout de ton jardin et ça fait piscine ! Bon, ça peut faire jacuzzi, on voit que tu as des goûts de luxe, mais cela dépend de ce que tu as mangé… Oops, je dérive ! Bah oui, c’est profond, j’aurais dû jeter l’ancre. Bref, si tu n’aimes pas ma baignoire à roulettes, tu peux y voir un énorme caddie électrique pour faire les courses. Tu gagnes du temps, tu n’as pas à transférer ce que t’as acheté dans ton coffre. On peut dire que c’est ton coffre qui va aux commissions, non pas les comminssions qui vont au coffre.

Alors, on le sait, électrique, c’est bon pour la planète et Ségolène aime cela. Moi aussi, d’ailleurs. Il y a juste une question qui me vient en tête. Comment fait-on pour que l’électricité qu’il faut pour recharger les batteries ne pollue pas ? En d’autres termes, est-ce que tu trouves des prises de courant avec une électricité propre ? Enfin, il faudra que je me renseigne. Qui dit aussi électrique, dit courte distance. Bah, non, tu n’y es pas ! Ce n’est pas parce qu’il y a un fil et qu’il n’est pas assez long ! Relis juste au-dessus, j’ai parlé de batterie… C’est justement que ces batteries n’ont pas une grande autonomie. Voilà, mes gens, tu sais pourquoi Ségolène fait juste campagne dans son patelin ! Comme les marins qui ont une femme dans chaque port, elle, il lui faut une prise dans chaque ville qu’elle va visiter, mais pas trop éloignées les unes des autres. Je te laisse imaginer le temps de chaque discours ! Bah, oui, il faut bien laisser les batteries se recharger ! Tu ne crois tout de même pas que je vais aller pousser…

A présent que les journalistes ont eux-aussi retrouvé Ségolène, il y a une surpopulation dans son bled. J’aurais pu faire une métaphore dans le style : ils sont attirés comme des mouches par ce que tu veux, mais ce serait vraiment mauvais. Ah, il y a aussi : Ils sont attirés comme des mouettes par le poisson. Cela reste en rapport avec le pélican qui a dans son bec des poissons. Bref, tout le monde s’interroge et surtout l’interroge pour savoir ce qu’elle pense de ce qui se passe dans le monde politique. Bah, elle ne fait pas une retraite dans un couvent isolé quand même. On se doute bien qu’elle a au moins la télé ou Internet pour suivre. Curieusement, quand on lui demande ce qu’elle pense des derniers évènements, elle qui avait toujours quelque chose à dire sur tout, ne dit rien…

Ce n’est pas grave, les journalistes vont dire le mot qui tue. Du moins, le mot qui tue les socialistes en ce moment : Frêche ! Tu me croiras si tu veux, mes gens, mais elle n’a même pas eu peur ! J’aurais cru qu’elle allait sortir aussitôt un crucifix en lançant un Vadé Pèquenaud Sale Georgas, mais même pas. Ca l’a fait même sourire. Peut-être jaune, possible, mais cela ne l’a pas empêché d’ajouter : « Il n’est pas en Poitou-Charentes que je sache ! » Vlan, toi, le journaleux ! Ce n’est pas quelqu’un de son voisinage, ni un de ses aides pour traire les biquettes et fabriquer le Chabichou. Monsieur le journaliste, tu as juste oublié que sa voiturette ne peut pas aller jusqu’en Languedoc-Roussillon, bien trop loin pour l’autonomie de son pélican !

Ce n’est même pas la peine de citer tout le bottin politique, elle connaît personne en ce moment. Elle a fait des nouveaux copains, les joies de la campagne, en les amis de Bayrou. Tu sais ce que l’on dit, les amis de mes amis, ne sont pas forcément mes amis. Selon Ségolène, les amis de mes amis, je n’en ai jamais entendu parler. Puis arrête avec toutes ces questions ! Ici elle est une présidente de Région à plein temps et c’est tout ! Bon, on va quand même essayer un autre nom, on ne sait jamais : Dominique Bussereau ? Bon sang ! Ca y est, on l’a réveillée d’un coup ! La voilà qui sort une première tirade : « Il m’a déjà traitée de menteuse et a accusé les centristes (ses nouveaux amis) d’aller à la gamelle. » Bah, celui-là, elle le connaît mais c’est normal, il est dans le rayon d’action de son pélican, puisque c’est la tête de liste UMP en Poitou-Charente. Et d’ajouter : « Ca prouve qu’il n’y a plus de code. On le sent en service commandé, obligé par Nicolas Sarkozy… »

Et oui, sa mémoire d’une autre vie lui revient. Avec toutes ces questions, ils ont réussi à appuyer sur le bouton qui réveille, puisqu’elle arrive maintenant à se souvenir de quelqu’un qui n’est pas de son coin, mon Nicolas ! Comme on dit qu’il faut toujours faire le ménage devant sa porte, en voilà un deuxième qui en prend pour son grade, c’est son Préfet de région, Bertrand Tomasini : « Il est antirépublicain. Ses sorties, ses prises de position rappellent ses services sous Pasqua. Il doit se tromper d’époque ! » Tout lui revient, mes gens, alléluia ! Encore un petit pour la route, c’est même un lot complet qui prend, les socialistes signataires de la pétition s’opposant à la stratégie d’ouverture : « Ils me reprochent de ne pas faire alliance à gauche. C’est pourtant par là que j’ai commencé mais nos partenaires ont pensé qu’il convenait qu’ils se comptent. Je n’ai mené aucune négociation avec le Modem, seulement avec des personnalités individuelles qui se reconnaissent plus dans les actions que je mène que dans la droite de Sarkozy. Parmi les signataires, il y a beaucoup d’adhérents de la motion Hamon. Les régionales ne sont pas l’enjeu d’un Congrès. Il ne faut pas se tromper d’échéances. »

En pleine forme ! Ce sera la conclusion à tout mon article ! Elle est ravigotée comme jamais, Ségolène, et qu’on se le dise ! En plus, on sait à présent quel est le prochain qui va faire les frais, c’est mon Benoît Hamon, puisqu’elle le considère comme l’empêcheur de tourner en rond ! Mes gens, je crois bien qu’on lui a rechargé les batteries. Peut-être même qu’on lui a mis des Duracell. Si elle fait la même chose avec son pélican, il va devenir à réaction car c’est puissant. Méfie-toi, où que tu sois, elle va te retrouver et cela va barder pour ton matricule ! Puis, tu sais, les Duracell, ça va très longtemps, au moins jusqu’en deux mille douze !